1 Ximotoosi'a

Ergemallo Phawuloosixxa Siretixxa Erga

Ximotoosi'a

E'yichchoo

Xemotoosi hiyyemeek dargaggeesi amaanichchi ilensha isixxi shiixoxxe Isiya'nite kaddaa wodda, amati Yihudichcho annik Girkichokemman; isinna Pawuloosike hujeti jaalonna wengeletixxe ergatenshaanna shiqike gargaarsanjomman: Pawuloosi Ximotosi'a borreeseeixxi siretixxi erga sase umo umo kaddeexxa yaanuwwa abide'een.

Duuchchiinxe edise erga isixxi Mageniinxe tuuta giddo kexxemmaxxe dhariinxe barachchoxxee xexxe'achiisakenna; tinni haaroxxi barachcho gamisa Yihudootinka gamasi kinni wele ardika yaada afeeke kadaa wodda, «Leellita'neexxi butta duuchcha cubboti laaqendeexxe kaddeemmaxxee anjirensha afendaak gargar hexxee buqo hedheeke beekkumanna mitte mitte itanaa'ninna aadha heerumakenaa'ni ifi heqqedhatiten» hiyyemaake yaadinaa'ni ke'eekemman. Higgeenni erga Mageniinxe tuutaxxe galchaxxenna magenoofachchotixxe aadaxxe barannoxxa akeete, iitanni Mageniinxi tuuta akeekisanjuwwa'ninna insa'ne hunda ergatemakiir afaake adabixxee akeete uwwaaken. Muuxamake'ninna Ximotoosi Yessuusi Kiristoosike eloke erganjo hitta kada hassisaaxxanna gargari hexxeexxe amanyetixxe bukki'ni afeeke baalomi'a Pawuloosi uwweeka gorsa kaba giddo alfinannon.

Konne Maxaafi Giddo Hexxeexxa Yaanuwwa

E'yichcho

Mageniinxe tuutaxxenna giddike erganjuwwixxe'e

Ximotosixxe ergatensha uwwendeexxa barachcho