1 Teselonqeke Manni'a

Ergemallo Phawuloosixxa Siretixxa Erga

Teselonqeke Manni'a

E'yichchoo

Teselonqe Meqedoonya hiyyendaaxxe Roomexxe galchake umo qachchamman: Pawuloosi Tesolonqe giddo Mageniixi tuuta safende'eek Filiphiyosi'i waale me'eechchi uduman: kaddo malee'e Yihudiinxa amana adhdhate'ee shiqeemmak gosa gosak ardi Pawuloosi shiqisha'neke amanatixxe erga'ni manni yaadik adheememaxxee Yihudi tennee gaabbexxi Pawuloosi'ni fuggoxxinni ke'neemman tennexxee Pawuloosi Tesolonqee waalexxi Beeri'a me'atee mudhdhe. Isinna hekki hiyyeexxi Qorontoosi geyeeshshanni isike shiqike gargaarsanjo kadeemmak Ximootosi Tesolonqee mareexxi higeeshshanni Mageniixe tuutta hexxeexxe yaanuwwaxxee mitte mittenda iso'ni ifise.

Pawuloosi siretixxa erga Tesolonqeke manni'a borreesseek Kirsitoosito jajjabeessatenna dayyeessatetemman; amana insa'nexxeenna jaalala insa'nexxee eloxxa odo laqati Mageno galateefataan. Pawuloosinna insa'nexxe oddo'ni afemee wodda hittaxxexxa hedho hedheexxa insa'ne'ni qalli assa'nen; ookko'ninna Kirsitoosika langaka dago uuddaxxinni ke'eeke qortumuwwi'a hiisichcho uwwan; konne qortumiwwi giddi'ni heenok.

«Kiristoosi hige dagabaan edi darre rerteexxi ammaanye Kiristoosixxi higa, ifisaaxxe duuchchi woddixxa hedho qoodema dandee'ata? Kiristoosi hige daga'neek haanote?» hiyyakeeran. Pawuloosinna tenne wodo la'oonfatati, «Kiristoosike langake dagixxa barachcho addeti heqqexxina'ni ookkone qico'ni salalik huje ha'nooxxa hucce» hiyya'ni insa'nee gorsaan.

Konne Maxaafi Giddo Hexxeexxa Yaanuwwa

E'yichcho

Pawuloosixxa gammashshonna galata

Kirisitoositottixxe hedhoxxa akeette

Kiristoosike lnagake dagixxa barachcho

Muuxamiinka gorsa

Muuxa