1 Saamu'elika Maxaafa

Taakkakaa Saamu'eelikaa Maxaafa

E'yichchoo

Taakkake Saamu'eli maxaafi, Isira'eel hayyooletixxe galchanaa'ni moyaanjuwwiinxe galchaba'a foofeexxa kuldaan; tinni jijjiirra Isira'el giddo kadde'ek sase mannixxe buutonniten; insa'neenna, taakaxxe siretixxe lumolla hayyoolenaa'ni taakaki Saamu'eelite kadaa wodda, langaki Isira'elike siretike moyanjo kedeemmak Sa'ooliten; sakkaki kinni baalooma adhdhebaa edi gama hedhemmak siretixxi jirte isixxi Saamu'eelixxenna Saa'oolixxe jirtennn welti abidemeek Daawwititen.

Konne maxaafi giddo umo kaddeexxi erga dullate kako giddo afema'neeke wele jirtetek maxaafishsha; Duuchchi Woddike Gootti'a addatema eebbanna duuchchinxa yaane qajeeldasha assitaaxa, ajajema gopha kinni salphinake'ninna ba'nete'ni geessissaaxxa kulaan. Tinninna Duuchchi Woddi Gootti qeesichcho Eeli'a, «Ani ane'e ulfeessaaka ulfeesannon; tuffataaka salphisannon» hiyye haaso'eek hiyyichcho'ni ca'a hiyyedhen (2:30).

Kunni maxaafi moyanjuwwinke mootummaxxa ke'injo gargar hedheeka yaada leellishan; edi wodda Isira'elike dhugaatik moyanjo kadeexxa ege'neek umi isinginnin Duuchchi Woddike Goottamman. Yaane kinni hekki hiyye ardakenaa'ni ke'eeke qortumishshanni, Duuchchi Woddik Gootti insa'ne'a moyanjo file. Iittanna kaddoole umo yaane moyanjokeenna kadoo, Isira'elik ardi Duuchchi Woddike Goottixxe galcha hundanna murte hunda afensha insa'neexxen (2:7-10) tinninna Duuchchi Woddik Goottik seeri hunda dureeyyetenna kaddo hiyyeeyye manjunte manjiinxi qixxe ulfessendaaxxe kaddeexxa kulaaken.

Konne Maxaafi Giddo Hexxeexxa Yaanuwwa

Saamu'eel Isira'eelike akeekissanji kadeexxa

Sa'ool moyeexxa

Siretixxa Sa'ooli moye galcheexxa wogguwwa

Daawwitinna Saa'ooli'i