1 Pheexiroosixxa Erga

Ergemallo Pheexiroosixxa Siretixxa Erga

E'yichchoo

Sirete'ni ergemallo Pheexiroosixxi erga borreessendeek tenne erga giddo «Magenokee filemeeke arda» hiyyeme ye'ema'neekeeri'aanna shiixoxxe Isiya'ni middi darrexxe kuta'ni xeeremeke kirisitoositoteeten; tenne ergak umi yaadi amanatixxe buutonni shorrichchinna rakko insa'ne'ni gelte'naa hedhemmaka maxaafa haassessammakaara jajjabeessatenna dayyeessatetemman; borreessanji tennee assa'nek reyo isixxa, reyotenaa'ni ke'a isixxa, langaxxa hige dagatixxa addachchiissa lassaaka Yessuusi Kiristoosixxa gammashshotika hiyyichcho haassesammake manni'a qalli assatiten. Yessuusi Kiristoosixxa hedho fakkeennik uudati rakko ossunteti adhdha hasissaaxxa insa'ne'aa kassi assaan; tennenni welti abidisat rakko amanaa insa'nexxixxa ca'unte hegaa uudaaxxanna «Yessuusi Kiristoosi leellaxxa barra» hasisaaka hira alfaannexxa insa'ne'aa ege'nisha'neen.

Borreessanji insa'ne rakkote'ni ossinaashsha jabeessati gadho haasessammakir Kiristoosixxi hordofeeye hedha insa'ne'aa hasissaaxxe bifanni he'naashsha ege'nisha'neen.

Konne Maxaafi Giddo Hexxeexxa Yaanuwwa

E'yichcho

Mageniinxa anjira qalli hiyya

Woyyitte hedho hedhatee uwwemeeka gorsa

Rakkoti wodda kirisitoositotixxa Bado

Kirsitoosittoositotixxa shaqquntenna ergatema

Muuxa