1 Yohaannisixxa Erga

Ergemallo Yohaannisixxa Siretixxa Erga

E'yichchoo

Ergemallo Yohaannisixxi siretixxi erga lame umo umo kadaake yaada affe'een. Insa'nenna haasesammakiir Magenikinna Belto isike Yessuusi Kiristoosinn welti mittumma anfaashsha jajjabeessatenna tenne mittumma balleessatee hassaake dharite barsissanaa'ni bayyantaashsha xexxe'achchiisateeten. Ookkone wodda kexxeexxi dharite barachcho fuggoxxi faqqa'neexxi tenne jabaxxe buttanni welti assina'neeke mittoominte kaddeemmaxxee Mageniik Belti Yessuusi hara manjo kado'a yookaan manjiinka adaba afatee dande'abaan hitaaxxemman. Iitti barsiisano «Anjiremate hiyyo konne buttike galdumi'a wixxixxi hiyyatenaa'ni leexxa fulaten» hinaamman: itti aanati «Eloke adabana kadoo wele manji'a jaalala leelshsha anjirati welti mittommanna» anfebaan hinaamman.

Borreessanji tenne barachcho moromat Yessuusi Kiristoosi hara manjoken: Yessuusi'ni amanakinna Mageno eeyyak duuchchi weli eeyya hasisaan hiyyati ege'nishe'een.

Konne Maxaafi Giddo Hexxeexxa Yaanuwwa

E'yichcho

Ifanna dukkana

Mageniinxa oosenna durriisiinxa oose

Dhugaatanna dedha

Jaalalatixxa gaddachcha

Injifachchotixxa amana