1 Odotika Maxaafa

Taakkakaa Odotikaa Maxaafa

E'yichchoo

Taakkak Odotiki maxaafi Saamueli'ninna moyanjuwwiinke maxaafa'n borreesseme bukki hiteexxa jirtuwwa gargarti hedheeke orinni higgeeni diidesendeen; Odotike maxaafa'ni Isira'eelike moyanjiinxe galchaxxa jirte uuddaaxxenni lame umo umo afeek yaadi borreessemedheen.

1. Isira'eelikenna Yihudik moyanjuwwi ba'netee gennoolenna Mageni ardake'e uwweexxa addatensha duuchcha heqqa'neexxanna Yihudike boga'ni hedha'neeke manni darree'n gosa gosake ardi'a afeeka yaada hujete'ni hosiseexxa leelshateeten; Tenne kokeessate'e ke'ito kaddaashsha borreesanji Daawwitinna Solomoon hunje'eke lumolla hujuwwa Iyyasaafixxi, Hiziqiyaasinna Iyyosiyaasi qammalichchineexxa haaroxxa hujenna Magenoke'e anfeexxa addatensha jabeessemake ardiba'a ifi heeshshi assedhaan. 2. Iyyerussalemi'n hedheeke galma'ni Mageno mageneefachcho hitta safendeexxa leelishateeten; gargarti hedheeke mageneefachchotike seera'n hunja'nemmaxxi qeesoletixxinna Leewwitotixxi bukkii hitta kadde safendee qico kulateetemman; galmakanna hujeek Solomoonitenna kadoole, galmiinkinna mageneefachchotik ke'iti Daawwitite kadeexxa ca'a assende kulemateeten.

Konne Maxaafi Giddo Hexxeexxa Yaanuwwa

Addamixxe sannenaa'n Sa'ool qico'n

Sa'oolixxanna Oosetixxa reyo

Daawwixixxa mootummanna Iyyerussaalemixxa abidensha

Holla callixxa Daawwitika sannachuwwa

Kakotika taaboti Iyyerussaalemi'a adhdha

Galma ijaara'nek Solomooniten

Daawwitiki sannachchi lole injifatee qico

Daawwiti arda laako'e wodda Mageni mufatee qico

Galma ijaarate'e assendeexxa qophpheefachcho

Galminke ijaarsixxe huje'a ardi bukki assedhee qico;

Solomoonixxa mootumma

Daawwitixxa reyo