ሉቃስ

ሉቃስ ጻፍሳንዳ

ዎንታ ጮይስን የሱስ ክርስቶሰታ ክላ ኬዛ

አርድንታ

ሉቃሰታ ክላ ኬዘና የሱስጎካ ኬዝድዮ እርምሶ Ꮊዴ ጋይምሶ ሳብዘንካ ኤሰርሶ ኬዛቅባብከስካ ኬዝምሳንዳ በድ ስለከረ Ꮊድን ጉርምንታ ባቤና ማችባብ እስራኤል ዎርሰንከስ ክትም ካርዝድዮ Ꮊቅባብ “ክርስቶስ” ኮትኮግንደረ ኤድ ይንች ሙደንታ “አቅስባብ” ማትንተን መያ ማስኬ። ሉቃሰታ ክላ ኬዘና፥ የሱሰም “ሪካየንባብከስካንታ ክላ ኬዘንም ክት ሳባግድንግንዳ” ይንታ ባቤንዘንካ ኦይትምስባብ ክታ ማትንተንምከ ኮነረ ክላ ኬዘና ኤድንከስ ከታዘን ዶቅድን Ꮊክ Ꮊክ ማጠናርንካ ዉጅድንዳ ማትንተን ኬዝዴ። ሉቃሰታ ክላ ኬዘናር ስግስሶ የሱሰታ Ꮊድንተንጎካ ኤስምዝድን እሪ የድንከሳርኬ ጉጅሰረ የሱሰታ ጭላር አይንታጎካ ኬዝድን በእንታ የድንከሳር ዳልግስሶ ኬዝምሳንዳ ጉርምንጎኬ። የሱስ ጭላር አይሳንደታ ቡር ክርስቶስካ አሜንድባብከስታ አሜንና Ꮊስግንዳ ጋጵሶ ኮት ዳልግዛናንከረ መያ ማዝድንዳ ፍክስምሶ ስገዳንዳ ኦይትምስባብከስታ ፍክስ ማጻፍናር ኮትኮም ጻፍስባብካ ከዝምቴ።

ክታይንችንከስታ የችንጎካ፥ የሱስ አጥምሳንደትካ ግስመንባብከስ Ꮊድሰኮ ከትሰዳንደትም ፍክስምሶ ስግዳን ኬዝድንዳ፥ የሱስ አክ ይንች ዶቆ ሳብታ ጭል ኤሄናር ክታ አይንጎካ፥ ቡዳርንካ አተርድባብ ሳማርያ ፍጫ ኤችንተከ ካይሶ Ꮊፈርስባብ ይንችንታ ፍክስምሶ ስገዳንዳ ሉቃሰታ ክላ ኬዘናር Ꮊክ Ꮊፈርድባብከሰኬ። ክላ ኬዘናር ኮር ካንተዘንካ ኦ ካንታ የለልታ አንድርካ ሰድምሳንዳ ምክስ ጎካ፥ አያን ጭልንጎካ፥ የሱሰታ ፍክስናር ማነንከስካንታ ዶቅድንደትምከ ሳብ ጎመንም ነጋ ጋይድንጎኬ።

ማጻፍን ኮትኮታ ሙዳ የድንተና

አርድንታ

ስእስንባብ ዮሀንሰተኬ የሱሰታ አጥርና

ስእስንባብ ዮሀንሰታ ፍክስና

የሱሰታ ስእርንኬ ጰጭምንካ

የሱሰታ ፍክስና ገሊላ ፍጨናር

ገሊላ ፍጨናርንካ ኦስ የሩሳሌም ካተመናር አይና

በእንታ ሳምንትናር የሩሳሌም ካተመናርኬ ኮታ ሞረናር

ጮይስ ይንታ ደእናርንካ አምን ይንታካርንካ ጎርስምድባብከስካንታ መያ ማስንኬ ጭላር ክታ አይንካ