ኤፈሶን

ኦይትምስባብ ጳውሎሰታ ክታ

ኤፈሶን ኤድንከስካንታ

አርድንታ

ጳውሎስ ኤፈሶናር ኤድንከስካንታ ሙደንዘንካ ዳቅስሶ ክት ጻፍሳን ክቴና “ሳብታ ገቅርና ማድንግንዳ ጭለዘንኬ ፍጨዘን ዶቅድን ፍዝርንከስ ሙዳ ዋልቃ ማድንዳ ክት ዋልቀን ክርስቶስታ ገችታ ኤረንታ ጎያር ማድንደታ ሰጨና የልድንኬ” (1፡10) ጋይድንዳ ኮትኮ ከዘኔ። ጉጅሰረ የሱስ ክርስቶስካ ክክን ዋልቃ ማትንተካ ኤታ ሱሳ ሙደና ዋልቃ ማተርንግንዳ ኮም አንድር ገቅርን ፍክስዘን ኬት Ꮊቅዝድንግንዳ ሳብታ ዎርሰን ገቀርስዝድንዴ።

ኤፈሶናር ኤድንከስካንታ ክቴና እርንደታር ኖ ጻፍና ጻብድዮ ዋልቃትቼንጎካ ይ የጃን የድን ዳልክስካ፥ ሳብ ባቤና ይንታ ዎርሰን Ꮊስግንዳ ክት እጃናንከረ፥ ይንታ ይንችን የሱስ ክርስቶስጎካ ኬታ ይንታ ጎመንታ ነገትቼን Ꮊፍሰኮ Ꮊስግንዳ ባዛካይሳ ኬት ማቻናከረ፥ ሳብተረ አንድር Ꮊድን ጉርም ቃለን አያን ጭልንጎካ Ꮊስግንዳ መያ ኮት ማቻናከረ ኬዝዴ፥ ቃስትምስናረረ ጉጅሶ ኖ ጻፍስባብ ናበብድባብከስና ኬት ሙደንታ ዶቅንተና ክርስቶሳር ዶቅድን ዋልቃትቼንካ ዶፈን ማተርንግንዳ Ꮊስግንዳ ዶቅ ኬትም ዝግዝዳናንከረ ገቀርስዝዴ።

ኤድንከስ ክርስቶሳር ኬታ ዶቅድን ዋልቃትችንካ Ꮊስግንዳ ዋልቃትች ኬታ ዶቅዳናከረ Ꮊክ Ꮊክ ካምስ ኬዘንካ መያ ማቴ፥ ምክስ ኤሄና ዋልቃዘና ኮት ማድንካ ክርስቶስ ይንታ ዘነንታ ዱሬ፥ ምክስ ኤሄና ሰይን ኤሄንግንዳ ማድንካ ክርስቶስ ሰይን ኤሄንታ ዝክስምድን ሰይንንግንዴ፥ ምክስ ኤሄና ኬነንግንዳ ማድንካ ክርስቶስ ክእስግንዴ፥ ኖ ጻፍንባብ ክርስቶስጎካ መያ ማቻንደትም ሳብታ ዉች እምንተን አንድር በርእካ ክት ከዝድንᎺይካ ዳልግማ ማቻንደትካ መያ ማስሶ ኬዝዴ፥ ሙዳ ሪን ክት ሰድንዳ ክርስቶስታ ሶልመንኬ፥ ይንታ ማቴንም ካሲ ማስንቴን፥ ነገትቼን፥ ሳብታ ዉች እምንተንኬ ሳራትችንጎኬ።

ማጻፍን ኮትኮታ ሙዳ የድንተና

አርድንታ

ክርስቶስኬ ምክስ ኤሄንካ

ክርስቶሳር ክላ ዶቅንት

በእንታ