Geeshsha Mexaafa
Mazamure Maxaafa 87
Qoore Nayti Yexxida Mazamure
GODAA katamay
geeshsha zuma bolla keexettides.
GODAY Xiyoone pengeta
Yaaqoobey dizasota
ubbaafe aaththi siiqees.
Hanne Xoossa katamayee!
Xoossay ne gishshas
malalisiza miish,
«Tana eriza kawoteththata giddofe
Gibxenne Baabiloone
gaththa mazgabashe
Filisxeeme, Xiroosenne
Tophphiya asaa gujjana» gees.
Xiyoone gishshas, «Ubbaa asay
izin yelettides;
Ubbaafe Dhoqqa Xoossi
izo minththi essana» geetettana.
GODAY deraa ubbaa mazgabishe,
«Hayssi Xiyoonin yelettides»
giidi xaafana.
Yexxizaytinne guppizayti,
«Nu anjjo ubbay
Xiyoonippe pulttees»
gishe ufayssan yexxana.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.