Geeshsha Mexaafa
Mazamure Maxaafa 70
Zammareta Kaabbos Dawiti Yexxida Hassa7iso Mazamure
(Maza 40:13-17)
Abeet Xoossawu!
Tana ashshanawu
taakko haa simma;
abeet GODAWU!
Tana maaddanawu eesota.
Tana wodhanawu koyzayti
yeellatettonne shirotetto;
Tani qohettanayssa amottizayti,
kawuyidi guye simmetto.
Ta bolla, «Izas hashshu! Hashshu!»
gidayti yeellatidi guye simmetto.
Gido attiin nena koyza ubbati
nenan ufayetettonne
hashshu getto;
qasse ne atoteththaa
dosiza ubbati,
«Xoossi dhoqqu dhoqqu
go!» getto.
Tani hiyeesanne metotanchcha;
abeet Xoossawu!
Eeson taakko gakka.
Tana maaddizaynne
ashshizay nena;
abeet GODAWU! gam7ofa.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.