Geeshsha Mexaafa
Mazamure Maxaafa 67
Zammareta Kaabbos Diiththatan Yexxida Mazamure
Xoossi nuus qadhettonne
nuna anjjo;
ba ayfeso nu bolla poo7iso.
Ne ogeti sa7a bollan,
ashshiza ne wolqqayka
kawoteththata ubbaa
giddon erettetto.
Abeet Xoossawu!
Asay nena galato;
kawoteth ubbay
nees galata shiishsho.
Neni asas suureteththan
pirdiza gishshas
sa7a bollaka ne deraa
kaaleththiza gishshas
kawoteththati ufayetetto;
ililishekka nees yexxetto.
Abeet Xoossawu!
Asay nena galato;
kawoteth ubbay
nees galata shiishsho.
Biittay kath immana;
Xoossi, nu Xoossay nuna anjjana.
Xoossi nuna anjjana;
Sa7a gaxa gakkanaas diza asay
ubbay izas yayyana.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.