Mazamure Maxaafa 54

Ziife asay Sa7oolekko biidi, «Dawiti nu biittan qotetti uttides» gi yootiin Dawiti zammareta kaabbos diiththan yexxida mazamure

1Abeet Xoossawu!

Ne sunththan tana ashsha;

ne wolqqan taas pirda.

2Abeet Xoossawu! Ta woosa siya;

ta haasayza qaala ezga.

3Otoranchchati ta bolla dendida;

genanchchati

tana wodhanaas koyeettes.

Xoossaa wudu geettenna.

4Gido attiin Xoossi taas maado;

Godaykka taas zemppo.

5Abeet Xoossawu!

Ta morkketas

istta iitateththaa mala

isttas zaara.

Ne ammaneteththan

ne istta dhayssa.

6Abeet GODAWU!

Tani ta dosan nees yarshana;

nees bessiza gishshas

tani ne sunththaa galatana.

7Ays giikko neni tana

ta meto ubbaafe ashshadasa;

ta morkketi kundishin

ta ayfen beyadis.1