Mazamure Maxaafa 13

Dawiti Zammareta Kaabbos Yexxida Mazamure

1Abeet GODAWU!

Awude gakkanaas

neni tana doganee?

Ne tana mernaas balanee?

Awude gakkanaas

neni taappe geemmanee?

2Awude gakkanaas

tani ta qofara baaxetanee?

Awude gakkanaas ta wozinay

ceecishe daanee?

Ta morkketi ta bolla

awude gakkanaas goobanee?

3Ta GODAWU!

Haa taakko xeellada

taas zaaro imma;

ta ayfe poo7isada,

hayqoppe tana ashsha.

4«Nuni iza xoonidos» giidi,

ta morkketi ceeqettontta mala

ne istta teqqa.

Ta kundeththaan

istti ufayettontta mala

ne istta digga.

5Gido attiin ne maaroteththa

daron tani ammanettays;

neni tana ashshiza gishshas

tani ufayettays.

6GODAWU!

Ne kiyateththi

taas darida gishshas

tani nees yexxana.