Geeshsha Mexaafa
Mazamure Maxaafa 122
Dawiti Pude Kezishe Yexxida Mazamure
Istti tana,
«Ane GODAA Keeth boos» giin
tani ufayettadis.
Hanne Yerusalaame katamayee!
Nuni ne pengetara gelidi eqqidos.
Yerusalaame katamaya
danxxetta keexettida
mino katama.
Isra7eeles imettida woga mala
Isra7eele qommoti
GODAA sunth galatanaas
hee baana.
Dawite zereththafe kawotidayti
pirdanaas heen uttida.
Yerusalaame saroteththas,
«Nena dosizayti ubbay
ishalon detto;
Ne gimbeta giddon saroy de7o!
Ne kawoteththa keeththan woppay kumo»
gi woossite;
Ta dabbota gishshassinne
laggeta gishshas
«Ne giddon saroy do!» gays.
GODAA nu Xoossa Keeththa
gishshas gaada
tani nees lo7o amo amottana.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.