Luqaasa Mishiraachcho
Luke
Introduction from this edition
Luqaasi Xaafida
Nu Godaa Yesus Kirstoosa Mishiraachcho Qaala
Giddo Qofa
Luqaasa Mishiraachcho qaalay Yesusi daro wodeppe kase yaana geetetti nabetan Isra7eele asaas yootetti uttiin Isra7eele asay naagi uttida Kirstoosi, «As ubbaa ashshizaade» gididayssa qonccisanaassa. Luqaasi Yesusa, «Manqotas Mishiraachcho qaala sabbakanaas» ba aawappe kiitettidaade gididayssanne Mishiraachcho qaalazikka asas diza dumma dumma metos oge bessizayssa yootees. Luqaasa Mishiraachcho qaalaza giddon harappeka Yesusa hidota gishshas yootiza koyro shempotaninne wurseththa shempotan lo7eththi yootiday hidota gishshassa. Yesusi pude salo bidaappe guye ammanoy waani nam7anththo diccidaakko Hawaareta maxaafan hayssa xaafiday he maxaafazan yootides.
Kiitanchchati yexxida yeththaa gishshas Yesusi yelettiin mehe heemmizayti iza be7idayssa, Yesusi buro guuththan dishin Xoossa Keeththe bidayssa asas misha gidida he Samaariya addeza ooson dhayi beettida naaza taarikey heyti wurikka Luqaasa Mishiraachcho maxaafan xalala beetteettes. Iza Mishiraachcho qaalazan gaxappe gaxa gakkanaas addafe yootiday woosa gishshas, Xillo Ayana gishshas, maccassatas Yesusa ooso giddon isttas imettida gishanne Xoossi nagara atto gidayssa yootees guussa.
Ha Maxaafay Oykkida Kumeththa Qofa
Geloso
Xammaqiza Yohannisa yeleteththinne Yesusa yeleteth
Xammaqiza Yohannisa ooso
Yesusa xammaqeteththinne paaceteth
Yesusi ba ooso koyro Galilan doommides
Galilappe Yerusalaame buus
Yerusalaameninne he heeran wurseththa saaminttan Yesusa gakkida meto
Godaa denththa qoncceththinne pude salo buus
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.