Geeshsha Mexaafa
Isayaasa Tinbite 4
He wode laappun maccassati issi adde oykkidi,
«Maana kath gidiin
may7ana may7o
nuni nurkka nuna dandayana;
ne sunththan xalla
xeygettana mala histtada
nu kawushshateththaa
nuuppe diggarkkii!» gi woossana.
Yerusalaame Ooraththateth
He wode GODAA miththa haggay lo7ananne bonchchettana; Isra7eele asaappe dhayshe attidaytas he biitta kaththay ceeqossinne bonchchos gidana. Xiyoonen attidayti, Yerusalaamen dhayontta attidayti, Yerusalaamen shemppora paxa dishe xaafettida ubbatara, «Istti geeshshata» geetettana. GODAY Xiyoone maccassata qitaa meeccana; maadhetti uttida suuththaafe Yerusalaame pirda ayananinne xuuggiza ayanan geeshshana. GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.1 Izi gallassa awa suuleppe ashshiza kuwa, uushoppenne irappe baqati attizasoho gidana.
Source notes (1)
- Cross-reference Kessa 13:21; 24:16
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.