Hose7e Tinbite 6

Wozinappe Gidontta Maaroteth

1Derezi, «Haa yiite,

ane GODAAKKO simmoos!

Izi nuna menththida mala

izikka nuna zaaridi koolana;

izi nuna madunththida mala

zaaridikka izi nu madunththaa

paththana.

2Nam7u gallassatappe guye

izi nuna beegoththana;

heedzdzanththo gallas

izi nuna denththana;

nunikka iza sinththan

paxa daana.

3Ane nuni GODAA eroos!

Nu iza lo7eththi eranaas

ane minettoos!

Izi wontta poo7o mala

nuus qonccana;

biitta kalssiza assura ira malanne

balgo ira mala

izi nuukko yaana» gees.

4GODAY, «Efreeme asatoo!

Yuhuda asatoo!

Ta inttena wosttiko lo7oo?

Intte tana siiqiza siiqoy

maalado shaara malanne

maalado xaaza mala

coo tim7i gi eeson dhayees.

5Hessa gishsha

s tani ta nabeta baggara

inttena qanxxereththadis;

ta doonappe ke7iza qaalan

ta inttena wodhadis.

Ta pirdayka intte bolla

wolqqanththa mala poo7ides.

6Tani yarshofe aaththada

maaroteth dosays.

Xuugettiza yarshofe aaththada

Xoos ero dosays.1

7Istti qasse kase Addaame

geetettizason

tanara gelida

caaqo qaala laallida;

heenkka istti tanan

ammanettibeettenna.

8Gala7aadey suuththan moorettadus;

iita asata duussaso gidadus.

9Pangati ase wodhanaas

zamadiza mala

qeesetikka zuppetidi hessaththo ooththeettes.

Gede Seekeeme efiza oge bollaka

naagi naagi as wodheettes;

yeellachchiza iita miish

ooththeettes.2

10Dizhiginthiza iita miish

Isra7eelen beyadis;

Efreemey eeqas goynoninne

laymateththan tunides.

11«Intteno Yuhuda asatoo!

Ta inttena qaxxayana gallas

bara woththadis.