ቲቶሳስ

ጳዉሎሲ

ቲቶሳስ

ጻፊዳ ኪታ

ጊዶ ቆፋ

ቲቶሲ ኣይዛቤቴፌ ሲሚ ኣማኖን ጌሊዲ ጳዉሎሳ፥ ሚሺራቾ ቃላ ኦሶን ማታን ማዲዛ ኢዛስ ኣዳ ኤሬቲዳ ላጌ። ጳዉሎሲ ሃይሳ ሃ ኪታዛ ጻፊዳይ ባፔ ላይን ዮጊዛኔ ኢዛራ ማቲዛ ባናራ ኢሲፌ ኦዛ ቲቶሳስ ጊዲሺን ቲቶሲ ሄ ዎዴ ዎሳ ኬ ጼሊሼ ቃርጼሴ ጌቴቲዛሶን ዴስ፤ ሃ ኪታይ ሎኤ ሚንዛይ ሄ ኣይፌ ዮኦታ ቦላ።

ኮይሮይ ዎሳ ኬ ጪማቲ ሃራፔካ ቃርጼሴ ኣሳስ ኢታ ኦሶ ጊሻስ ኢስታስ ኣይ ማላ ሎኦ ኦሶይ ቤሲዛኮ ቲቶሲ ኢስታ ታማርሳና ማላ ቲቶሳ ቆፍሴስ። ናምኣንዚ ዎሳ ኬ ጊዶን ዲዛ ዱማ ዱማ ቡቴን ሄሲካ ጪሚዳ ማጫሳታኔ ኣቱማ ኣሳ፤ ሄሳካ ናቴ ናይታኔ ኣሳስ ኦ ኣቂዛይታ ኢዚ ታማርሳና ቤሲዛይሳ ታማርሳና ማላ ቲቶሳ ዞሬስ። ዉርሴን ቃሴ ኣማኖን ዱሳ ጊሻስ ሃራፔካ ኣሳይ ሳሮኒኔ ሲቆቴን ዴኣና ማላሳ፤ ሄሳካ ዎሳ ኬ ጊዶፌ ኢሶይ ኢሳ ኢጾ፥ ኦሺኔ ባ ጋርሳን ሻኬቴ ኣጋና ማላ ቲቶሳስ ዞሬ ኢሚዲ ኦና ኦጌ ቤሲዴስ።

ሃ ማጻፋይ ኦይኪዳ ኩሜ ቆፋ

ጌሎሶ

ዎሳ ኬ ካሌዛይታ

ዎሳ ኬን ዲዛ ዱማ ዱማ ኣሳታስ ኢሜቲዳ ኦሶ

ዞሬኔ ናጌታና ማላ ቆፊሶ

ኩሻ ቆፋ