ዮናሳ ቲንቢቴ

ዮናሳ ቲንቢቴ

ጊዶ ቆፋ

ዮናሳ ቲንቢቴይ ጾሳስ ኣዛዜቲኬ ጊዳ ኢሲ ናቤ ቦላ ጋኪዳ ዱማ ዱማ ሜቶታ ዮቲዛ ማጻፋ ጊዲዳ ጊሻስ ሃራ ቲንቢቴ ማጻፋታፔ ዱማቴስ። ጾሲ ዮናሳ፥ «ኢስራኤሌ ኣሳስ ሚኖ ሞርኬ ጊዲዳ ጊታ ኣሶሬ ካዎቴስ ዋና ካታማ ናናዌ ባ!» ጊዲ ኢዛ ኣዛዚዴስ።

ዮናሲ ጊዲኮ፥ «ጾሳይ ካታማዮ ይሳናስ ኢሚዳ ሚኖ ቆፊሶዛስ ኢዚ ጊዳ ማላ ኦና» ጊ ቆፒዳ ጊሻስ ጾሳ ቃላ ኤኪዲ ናናዌ ባናስ ኮዪቤና፤ ዳሮ ሃኖቲ ሃንዳፔ ጉዬ ኬሂ ኡፋዬቶንታ ዲሼ ኣዛዜቲዴስ፤ ኢዚ ቡሮ ሃናና ጊዳ ኢዛ ቃላዚ ፖሌቶንታ ኣጊን ላንጬቲዴስ።

ሃ ማጻፋዚ ጾሳስ ኢዛ ሜቴ ኡባ ቦላ ጎዳቴ ዲዛይሳ ኤሪሴስ። ሃራፔካ ጾሲ ሲቆኔ ማሪዛ ጎዳ ጊዲዳ ጊሻስ ባ ዴራ ሞርኬታ ቦላ ሃንቄቲዲ ሙሌራ ይሳናፔ ኣቶ ጊዲ ማራናስ ዶሲዛይሳ ቤሴስ።

ሃ ማጻፋይ ኦይኪዳ ኩሜ ቆፋ

ጎዳፔ ዮናሳ ባቃታ

ዮናሳ ዎሳ

ዮናሲ ናናዌ ቢን ዴሬዛ ማሬቴ

ጾሲ ዴሬዛ ማሪዳ ጊሻስ ዮናሳ ሃንቄቴ