ኢብራዌ ኣሳስ

ኢብራዌ ኣሳስ

ጻፌቲዳ ኪታ

ጊዶ ቆፋ

ሃይሲ ሃ ኪታዚ ጻፌቲዳይ ኢስታ ቦላ ጋኪዳ ጊታ ሜቶዛ ጋሶን ባ ኣማኖ ኣጋናስ ማቲዳ ኣማኒዛ ኣሳ ጊሻሳ። ሃይሳ ጻፊዳዴይ ኢብራዌፔ ኣማኒዳይታስ ዬሱስ ኪርስቶሲ ቱማኔ ዉርሴን ጾሲ ኣሳ ናስ ቆንጪሲዳይ ጾሳ ናይ ኢዛ ጊዲዳይሳ ቤሳናሳ፤ ሃ ኣማኒዛይቲ ባ ኣማኖን ሚኒ ኤቃና ማላ ኢዚ ኢስታ ሚንስ፤ ሄሲካ ቱሙ ጊዲዳይሳ ሄ ቱማ ዮኦታ ቆንጪሲ ቤሴስ።

1. ባ ኤኪዳ ሜቶዛ ባጋራ ባ ኣዋስ ቱማፔ ኣዛዜቲዛዴ ጊዲዳ ጊሻስ ካሴ ጋልኣ ጫቆ ማጻፋን ዲዛ ናቤታፔ፥ ሙሴፔኔ ኪታንቻታፔካ ኬሂ ኣስ።

2. ዬሱሲ ካሴ ጋልኣ ጫቆ ዎዴ ቄሴታፔካ ኬሂ ኣዛ ሜርና ቄሴይ ኢዛ ጊዲዳይሳ ጾሲ ባ ዶናን ዮቲዴስ።

3. ኣማኒዛዴይ ናጋራፔ፥ ባቦፔኔ ሃይቆፔ ዬሱሳ ባጋራ ኣታና፤ ዬሱሲ ቄሴታ ሃላቃ ጊዲዳ ማላ ኢብራዌታ ኣማኖ ዎጋቲኔ ሜሄታ ያርሾይ ጮ ኤሾ ማላ ጊዲዳ ኣቶቴይ ኢዚ ቱሙ ጊዳና ማላ ኦዴስ።

ሃ ማጻፋ ጻፊዳዴይ ኢስራኤሌ ናይታ ታሪኬን ኤሬቲዳ ኣሳታ ኣማኖ ሌሚሶ ጎኤቲዲ (ሼምፖ 11) ናባቢዛ ኣሳይ ኣማኖን ሚናና ማላ ቆፍሴስ። ሄሳካ (ሼምፖ 12) ቦላ ናባቢዛ ኣሳይ ባ ኣይፌ ዬሱሳ ቦላ ሎኤ ዎዲ ኣማኖን ሚናና ማላኔ ኣይ ሜቶይኔ ዋዬይካ ኢስታ ቦላ ጋኪኮካ ዳንዳያና ማላ ዞሬስ። ዉርሴንካ ኢዚ ኢስታስ ዱማ ዱማ ዞሬኔ ሴራ ቃላ ኢሞን ኩዬስ።

ሃ ማጻፋይ ኦይኪዳ ኩሜ ቆፋ

ጌሎሶ፥ ጾሲ ባና ኪርስቶሳ ባጋራ ቆንጪሲዴስ

ኪርስቶሲ ኪታንቻታፔ ቦላ ጊዴ

ኪርስቶሲ ሙሴፔኔ ኢያሶፔ ቦላቴ

ኪርስቶሳ ቄሴቴ

ኪርስቶሳ ጫቆ ቃላ ቦላቴ

ኪርስቶሳ ያርሼቴ ቦላቴ

ኣማኖ ባይራቴ

ጾሳ ኡፋይሶ

ዉርሴ ዎሳ

ኩሻ ቆፋ