ጌሻ ማጻፋ

ሜቴ ማጻፋ 5

ኣዳሜ ዜሬ

ኣዳሜ ዜሬ ሃይሳፌ ካሊዲ ጻፌቲዴስ፤ ጾሲ ኣስ ሜዳ ጋላስ ባና ሚሳቲሲዲ ሜዴስ።1 ኣዴኔ ማጫስ ኦ ሜዲ ኢስታ ኣንጂዴስ። ኢስታ ሜዲ ኣስ ጊ ሱንዴስ።2

ኣዳሜይ 130 ላይ ዴኢዲ ባና ሚሳቲዛ ኣቱማ ና ዬሊዲ ኢዛ፥ «ሴቴ» ጊ ሱንዴስ። ኣዳሜይ ሴቴ ዬሊዳፔ ጉዬ 800 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ኣዳሜይ ሙሌራ 930 ላይ ዴኢዲ ሃይቂዴስ።

ሴቴይ 105 ላይ ዴኢዲ ሄኖሴ ዬሊዴስ፤ ሴቴይ ሄኖሴ ዬሊዳፔ ጉዬ 807 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ሴቴይ ሙሌራ 912 ላይ ዴኢዲ ሃይቂዴስ።

ሄኖሴይ 90 ላይ ዴኢዲ ቃይናኔ ዬሊዴስ፤ ሄኖሴይ ቃይናኔ ዬሊዳፔ ጉዬ 815 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ሄኖሴይ ሙሌራ 905 ላይ ዴኢዲ ሃይቂዴስ።

ቃይናኔይ 70 ላይ ዴኢዲ ማላልኤሌ ዬሊዴስ፤ ቃይናኔይ ማላልኤሌ ዬሊዳፔ ጉዬ 840 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ቃይናኔይ ሙሌራ 910 ላይ ዴኢዲ ሃይቂዴስ።

ማላልኤሌይ 65 ላይ ዴኢዲ ያሬዴ ዬሊዴስ፤ ማላልኤሌይ ያሬዴ ዬሊዳፔ ጉዬ 830 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ማላልኤሌይ ሙሌራ 895 ላይ ዴኢዲ ሃይቂዴስ።

ያሬዴይ 162 ላይ ዴኢዲ ሄኖኬ ዬሊዴስ፤ ያሬዴይ ሄኖኬ ዬሊዳፔ ጉዬ 800 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ያሬዴይ ሙሌራ 962 ላይ ዴኢዲ ሃይቂዴስ።

ሄኖኬይ 65 ላይ ዴኢዲ ማቱሳላ ዬሊዴስ፤ ማቱሳላ ዬሊዳፔ ጉዬ ሄኖኬይ 300 ላይ ጾሳ ኡፋይሲሼ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ሄኖኬይ ሙሌራ 365 ላይ ዴኢዴስ፤ ኢዚ ጾሳ ኡፋይሲሼ ዲን ጾሲ ኢዛ ኤኪዳ ጊሻስ ቤቶንታ ይዴስ።3

ማቱሳላይ 187 ላይ ዴኢዲ ላሜኬ ዬሊዴስ፤ ማቱሳላይ ላሜኬ ዬሊዳፔ ጉዬ፥ 782 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ማቱሳላይ ሙሌራ 969 ላይ ዴኢዲ ሃይቂዴስ።

ላሜኬይ 182 ላይ ዴኢዲ ኣቱማ ና ዬሊዲ፥ «ሃ ናዚ ጎዳይ ቃንጊዳ ቢታ ቦላን ኑና ኑ ዳቡራፔ ሼምፒሳና» ጊዲ ኖሄ ጊ ሱንዴስ።4 ላሜኬይ ኖሄ ዬሊዳፔ ጉዬ 595 ላይ ዴኢዴስ፤ ሃራ ኣቱማ ናይታኔ ማጫ ናይታ ዬሊዴስ። ላሜኬይ ሙሌራ 777 ላይ ዴኢዲ ሃይቂዴስ።

ኖሄይ 500 ላይ ዴኢዲ ሴሜ፥ ካሜኔ ያፌቴ ዬሊዴስ።

Source notes (4)

Cross-reference ሜ 1፡27-28
Cross-reference ማቶ 19፡4፤ ማር 10፡6
Cross-reference ኢብ 11፡5፤ ዩሁ 14
Footnote ኖሄ ጉሲ ኢብራዌታ ቃላራ ሼምፖ ጉሳ።

ጌሻ ማጻፋ. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.