ዳኔላ ቲንቢቴ

ዳኔላ ቲንቢቴ

ጊዶ ቆፋ

ዳኔላ ማጻፋይ ጻፌቲዳይ ካሴ ኣይሁዳ ዴሬ ኣሳይ ሃንኮ ኣራማዌታ ካዎ ጋርሳን ጎዴቴኔ ጊታ ሜቶይ ኢስታ ቦላ ጋኪዳ ዎዴ፤ ሄ ዎዴ ጻፌዚ ታሪኬታኒኔ ባ ቤኢዳ ኣጁታታን ኣሳ ሚንስ፤ ጾሲ ሄ ዎልቃራ ዋዪሲ ሃሪዛይሳ ዲጊዲ ባ ዴሬዛስ ካሴ ቦንቾዛ ዛራናይሳ ሂዶታ ኢሚዴስ። ሃይሲ ሃ ማጻፋዚ ናምኡ ኪፊሌን ሻኬቴስ።

1. ዳኔሊኔ ኢዛራ ኢሲፌ ዲኤቲ ቢዲ ዲዛ ጉ ኣሳታስ ጾሳ ቦላ ዲዛ ሚኖ ኣማኖኒኔ ኢስቲ ኢዛስ ኣዛዜቲዛ ኣዛዜቴን ኢስታ ሞርኬቲ ዬላቲዳይሳ ዮቴስ፤ ሄሲ ሄ ታሪኬዚ ፖሌቲዳይ ባቢሎኔ ካዎቴ ዎዴን ፓሪሴ ካዎቴ ዎዴ (1-6)።

2. ዳኔሊ ቤኢዳ ዱማ ዱማ ኣጁታታ ጊዲሺን ሃይቲካ ባቢሎኔ ካዎፔ ዶሚዲ ዱማ ዱማ ካዎቲ ካዎታናይሳኔ ኩንዳናይሳ፥ ቃሴካ ኣራማዌ ዴሬ ኣይሲዛይቲ ሙሌራ ዲፒ ጊ ዪን ጾሳ ዴሬይ ካሴ ባ ዲዛ ዴሬ ሲሚ ጌላናይሳ ሌሚሶን ቆንጪሲዛ ኣጁታታ ኦይኪዴስ (7-12)።

ሃ ማጻፋይ ኦይኪዳ ኩሜ ቆፋ

ዳኔላኔ ኢዛ ላጌ ሄታ

ካዎ ናቡካዳናጾሬ ኣጉሞ

ጾሲ ሲዲራቃ፥ ሚሳቃኔ ኣብዲናጎ ታማፔ ኣሺዴስ

ጬቄቴ ካዎ ናቡካዴናጾሬ ቦላ ጋዳ ሜቶ

ካዎ ቤሊሻጾሬኔ ኢዛ ኬ ጎዳ ቦላ ጻፌቲዳ ቃላ

ጾሲ ዳኔላ ጋሞ ዶናፔ ኣሺዳ ኣሾ

ዳኔሊ ኣጁታን ቤኢዳ ኦይዱ ዶኣታ

ዳኔሊ ኣጁታን ቤኢዳ ርሾኔ ዴይሻ ኦርጌ

ዳኔሊ ባ ዴራስ ዎሲዳ ዎሳ

ዳኔሊ ጼግሮሴ ሻፋ ኣቻን ቤኢዳ ጾሳ ኪታንቻዛ

ዳኔሊ ዎዴ ዉርሴ ጊሻስ ቤኢዳ ኣጁታ