2ጺምቶሳስ

ጳዉሎሲ

ጺምቶሳስ

ጻፊዳ ናምኣን ኪታ

ጊዶ ቆፋ

ጳዉሎሲ ጺምቶሳስ ጻፊዳ ሃ ናምኣን ኪታይ ጳዉሎሲ ባስ ዳሮ ማዶ ጊዲ ባና ማዲዛ ኦሶ ላጌ ጊዲዳ ናቴ ና ጺምቶሳስ ዬዲዳ ዞሬ ቃላ ኦይኪዴስ፤ ጳዉሎሲ ጺምቶሳ ኢዚ ዳሮ ዳንዳያን ሚናና ማላ ዞሪዴስ፤ ጺምቶሲ ጳዉሎሳፔ ኤኪዳ ሚኖ ዞሬ ቃላይ ዬሱስ ኪርስቶሳ ጊሻስ ኣማኔቲዲ ማርካታና ማላ ሚሺራቾ ቃላ፥ ካሴ ጋልኣ ጫቆ ጋርሳን ዲዛ ቲሚርቴዛካ ሚን ኦይካና ማላኔ ኢዛስ ኣይኮ ዋዬይ ዳሪኮካ ታማርሶኒኔ ሚሺራቾ ቃላ ሳባኮ ኣጎንታ ሚናና ማላሳ።

ጺምቶሳስ ኢሜቲዳ ሚኖ ዮኦይ ጮ ሜላ ኤያቴን ኣሳይ ፓላሜቲዛ ዮኦፔ ኢዚ ሃካና ማላሳ፤ ሄሳ ማላ ዮኦይ ሲዪዛይታ ሞሬስ ኣቲን ኢዚ ኢሚዛ ሃራ ጎኣይ ዴና።

ሃይሳ ኡባን ጺምቶሲ ዩሺ ቆፓናስ ቤሲዛይ ጳዉሎሲ ኣማኖን ዋኒ ዴኢዳኮ፥ ኢዚ ኣይ ማላ ጌንጪዳኮ ኢዛ ሲቆዛ፥ ኢዛ ሚኖቴኔ ኢዛ ቦላ ጋኪዳ ዋዬዛ ሌሚሶ ኢዚ ካላና ማላሳ። ጳዉሎሲ ሃይሳ ሃ ኪታ ጻፊዳይ ባ ላይ ዉርሴን ሃይቆ ፒርዳይ ኢዛ ቦላ ፒርዴቲ ኡቲን ኢዚ ሃይቆ ናጊዛ ዎዴኮ። (2ጺም 4፡6-8)

ሃ ማጻፋይ ኦይኪዳ ኩሜ ቆፋ

ጌሎሶ

ጺምቶሳስ ኢሜቲዳ ዞሬ

ኣሳይ ካዲዛ ዎዴ ሚኒ ኤቆ

ሄ ዎዴ ዲዛ ሃኖታኔ ሄይታ ጊሻስ ኢሜቲዳ ዞሬታ

ኩሻ ቆፋ