2ሳሜላ ማጻፋ

2ሳሜላ ማጻፋ

ጊዶ ቆፋ

ናምኣን ሳሜላ ማጻፋይ ኮይሮ ሳሜላ ማጻፋፔ ካሊዛይሳ ጊዲሺን ዳዊቲ ኮይሮ ዱጌሃ ባጋራ ዩሁዳ ካዎ [1-4]፥ ጉራ ጋምኢሼ ፑዴሃ ባጋራ ዲዛ ኢስራኤሌካ ጉጂዲ ዴሬ ኡባስ ካዎ ጊዲዲ ሃሪዳይሳ ዮቲዛ ታሪኬ [5-24]። ማጻፋዚ ዳዊቲ ባ ካዎቴ ኣሳናሲኔ ባ ማታ ሚንናስ ዴራ ጊዶኒኔ ዴራፔ ካሬራ ዲዛ ሞርኬታራ ኢዚ ባጼቲዳ ሚኖ ባጼ ፓቲ ዮቴስ። ዳዊቲ ኣማኖን ሚኖኔ ጾሳ ሲቂዛዴ፤ ሄሳካ ዴሬዛ ኣቻን ኣማኔቲዳዴ ጊዲዳይሳ ቆንጪሴስ፤ ሃራይካ ኢዚ ኢሲ ኢሲ ዎዴ ሜንጼ ኢታ ኦሶ ኦዛይሳኔ ባ ኣሾ ኣሞ ፖላናስ ዳሮ ኢታ ናጋራ ኦዳይሳ ፓቲ ዮቴስ። ጊዲኮካ ጾሳ ናቤ ናታኔይ ኢዛኮ ሺቂዲ ኢዚ ኦዳ ናጋራ ኢዛ ኤሪሲን ኢዚ ባ ናጋራ ፓጺዲ ጾሲ ኢዛስ ኢሚዳ ቂጻቴዛ ኤኪዴስ።

ዳዊቴ ዴኦይኔ ኢዚ ኦዳ ኦሶይ ኢስራኤሌ ኣሳ ዳሮ ሎኢዳ ጊሻስ ኢዛፔ ካሊዛ ዎዴታን ዴራ ቦላ ሜቶይ ጋኪሺን ጋኪሺን ኢስቲ ባንታስ ሃራ ካዎናስ ኮይዛ ዎዴ፥ ዳዊቴ ና ዎይኮ ዳዊቴ ዛሬ ጊዲዲ ዳዊቴ ማላ ኣይሲዛ ኣስ ዴማናስ ኣሞቴቴስ።

ሃ ማጻፋይ ኦይኪዳ ኩሜ ቆፋ

ዩሁዳን ዳዊቴ ካዎቴ

ኩሜ ኢስራኤሌን ዳዊቴ ካዎቴ

ኢዛስ ኮይሮ ካዎቴ ላይታ

ዳዊቴኔ ቤርሳቤሆ

ሜቶኔ ዋዬ

ዉርሴ ላይታ