1ጺምቶሳስ

ጳዉሎሲ

ጺምቶሳስ

ጻፊዳ ኮይሮ ኪታ

ጊዶ ቆፋ

ጺምቶሳ ጌቴቲዛ ኢሲ ናቴ ናይ ኢዛስካ ዬሌታ ዴሬይ ቄሪ ኢሲያ ጊዲሺን፥ ኢዛ ኣዬያ ኣይሁዳ ኣስ፤ ኣዋይ ቃሴ ጊሪኬ ኣስ። ኢዚ ሚሺራቾ ቃላ ኦሶን ጳዉሎሳራ ኢሲፌ ኦዛ ማታ ላጌ። (ሃዋ 16፡1-3) ጳዉሎሲ ጺምቶሳስ ኮይሮ ጻፊዳ ኪታዚ ሄ ኣይፌ ዮኦታ ኦይኪዴስ።

ሄ ኪታዛን ኣይፌ ቆፋይ ሲንቲዲ ዎሳ ኬ ጋርሳን ዴንዲዳ ዎርዶ ቲሚርቴፌ ኣሳይ ናጌታና ማላሳ። ሃ ዎርዶ ቲሚርቴዚ ባጋይ ኣይሁዳታፔ ባጋይ ቃሴ ኣይዛቤታ ቆፋ ኦይኪዳዝ ጊዲሺን፥ «ሃይሲ ኣይፌን ቤቲዛ ኣላሜዚ ናጋራን ሞሬቲዳ ጊሻስ ኣሳስ ፓጼቴ ቤታናይ ሃራ ዱማ ዱማ ጹራ ኤራቴኒኔ ኢሲ ኢሲ ቁማታ ሞንታ ኣጎን፥ ኤኮንታኔ ጌሎንታ ኣጎንኮ» ጊዛ ቆፋ። ሄሳፌካ ቦላራ ኢዛ ኪታዚ ዎሳ ኬ ኣይሶ ጊሻሲኔ ጾስ ጎይኖ ጊሻስ ታማርሲዛ ዎጋይ ሄሳካ ዎሳ ኬ ጪማቲኔ ኢስታ ማዲዛይታስ ዴኣናስ ቤሲዛይ ኣዛኮ ዮቴስ። ዉርሴን ጺምቶሲ ዬሱስ ኪርስቶሳስ ሎኦ ኦሳንቻ ዋኒ ጊዳናስ ቤሲዛኮ ኢዛስ ዱማ ዱማ ኣማኒዛይታ ቦላ ዲዛ ኣላፌቴ ጊሻስ ጳዉሎሲ ኢዛስ ኢሚዳ ዞሬ ቤዮስ።

ሃ ማጻፋይ ኦይኪዳ ኩሜ ቆፋ

ጌሎሶ

ዎሳ ኬ ጊሻሲኔ ዎሳ ኬ ጋርሳን ኦዛይታ ጊሻስ

ጺምቶሳስ ኢዛ ኦሶ ጊሻስ ኢሜቲዳ ቲሚርቴ