1ጴጽሮሳ ኪታ

ጴጽሮሲ

ጻፊዳ ኮይሮ ኪታ

ጊዶ ቆፋ

ሃዋሬ ጴጽሮሲ ጻፊዳ ኮይሮ ኪታዛ ጊዶን፥ «ጾሳስ ዶሬቲዳ ዴሬ» ጌቴቲ ጼይጌቲዛይታሲኔ ፑዴሃ ባጋራ ቄሪ ኢሲያ ዴሬን ላሌቲ ዲዛ ኣማኒዛይታሳ። ሄ ኪታስ ዋና ቆፋይ ኣማኖ ጋሶን ዳሮ ሜቶይኔ ጎዴቴ ኢስታ ቦላ ጋኪዳይታ ሚንናሲኔ ዴንናስኮ። ጻፌዚ ሄሳ ኦዳይ ዬሱሳ ሃይቆ ጊሻስ፥ ሃይቆፔ ዴን ጊሻሲኔ ኢዚ ናምኣን ሃ ሲሚ ያና ዩሳ ሂዶታ ቆንጪሲዛ ዬሱስ ኪርስቶሳ ሚሺራቾ ቃላ ናባቢዛይታ ቆፍሳናሳ። ዬሱስ ኪርስቶሲ ካሴ ዴዪዳ ዱሳ ሌሚሶ ማላ ጼሊዲ ኢስቲካ ሜቶ ጌንጪ ኣናስ ቤሲዛይሳ ቆፍሴስ። ሄይታራ ኡባ ጋዲ ሜቶይ ኢስታ ኣማኖ ሚኖቴ ፓጪዛይሳኔ ዬሱስ ኪርስቶሲ ቆንጪዛ ጋላስ ኢስቲ ባስ ቤሲዛ ዋጋ ኤካናይሳ ኢስታ ቆፍሴስ።

ጻፌዚ ኢስቲ ሜቶ ዳንዳያና ማላ ኢስታ ሚንፌካ ቦላራ ሄሳ ናባቢዛይቲ ኪርስቶሳ ካሊዛይቲ ዴኣናስ ቤሲዛ ዱስ ዳና ማላ ቆፍሴስ።

ሃ ማጻፋይ ኦይኪዳ ኩሜ ቆፋ

ጌሎሶ

ጾሲ ኣሺዛዴ ጊዲዳይሳ ኤሪሶ

ጾሳስ ዱማቲ ዳና ማላ ኢሜቲዳ ዞሬ

ሜቶ ዎዴ ኣማኒዛይታ ኣላፌቴ

ኣማኒዛይታ ኣሽኬቴኔ ኢስታ ኦሶ

ኩሻ ቆፋ