1ካዎታ ማጻፋ

1ካዎታ ማጻፋ

ጊዶ ቆፋ

ካዎታስ ኮይሮ ማጻፋን ኮይሮ ኪፊሌቲ ሳሜላ ማጻፋ ናምኣታን ዶሚዲ ኢስራኤሌ ካዎቲ ዴራ ኣይሲዛ ታሪኬታፔ ካሊዛዛ። ሃ ማጻፋዚ ሄ ዋና ዋና ኪፊሌታን ሻኬታናስ ዳንዳዬስ፤ 1። ሶሎሞኔይ ባ ኣዋ ዳዊቴ ሶሆን፥ ኢስራኤሌ ቦላኔ ዩሁዳ ቦላ ካዎቲዳይሳኔ ኢዛ ኣዋ ዳዊቴ ሃይቆ ጊሻስ ዮቴስ (1-2)። 2። ሶሎሞኔ ካዎቴ ጊሻሲኔ ኢዚ ኦዳ ኦሶታ ቆንጪሲዛ ታሪኬ ጊዲሺን ኢዛ ኦሶታፔ ኣ ቤቲዳይ ኢዚ ዬሩሳላሜን ኬጺዳ ጾሳ ኬ (3-11)። 3። ኢስራኤሌ ዴሬይ ፑዴሃኔ ዱጌሃ ባጋ ካዎቴን ሻኬቲዳይሳኔ ሄ ካዎቴቲ ኢሶይ ኢሶይ ኪርስቶሲ ዬሌታናፔ ካሴ ኡዱፉን ጼቱ ላይ ጋካናስ ካዎቲዳ ካዎታ ጊሻስ ዮቴስ (12-22)። ሃ ናምኡ ማጻፋታን ዴሬዛ ካሌዛይታ ቦላ ፒርዴቲዛይ ኢስቲ ጾሳን ኣማኔቲዛ ኣማኖ ማላ፤ ሄሳካ ዴራ ኣይሲዛይታ ኣማኔቴ ማላ ዴራ ዲቺኔ ጊጋይ ጼሌቴስ። ሃራ ባጋራ ቃሴ ኤቃ ጾሳታ ካሎይኔ ጾሳስ ኣዛዜቶንታ ኢጾይ ዴሬዛኔ ዴራ ካሌዛይታ ዮሶ ኤፌስ፤ ፑዴሃ ባጋራ ዲዛ ዴራ ካዎቲ ኡባይካ ፓጬን ኩንዲዳ፤ ሃንኮ ዩሁዳን ካዎቲዳይታ ታሪኬይ ጊዲኮ ኢታታ ጊሻስ ጊዲን ዎይኮ ሎኦታ ጊሻስ ዮቴስ። ካዎታ ማጻፋን ኮይሮ ኪፊሌን ዳሮ ኤሬቲዳይቲ፥ ሄይታ ጾሳ ዶና ጊዲዲ ቲንቢቴ ዴሬዛስ ዮቲዛይቲኔ ዴሬዚ ኤቃ ጾሳታ ካሎንታ ማላኔ ጾሳስ ኣዛዜቴ ኢጾንታ ማላ ዴሬዛ ታማርሲዛ ሙርታ ናቤቲ ዴቴስ፤ ሄ ናቤታፔ ኬሂ ኤሬቲዛይ ኤልያሳ ጊዲሺን ኢዚ ባኣሌ ናቤታራ ኤቄቲዳ ኤቄቴ ቆንጪዴስ። [ሼ 18 ጼላ]

ሃ ማጻፋይ ኦይኪዳ ኩሜ ቆፋ

ዳዊቴ ካዎቴ ዉርሴ

ሶሎሞኔ ካዎቴ

ሶሎሞኔይ ዴራ ኣይሲዳ ኣይሶ

ኮይሮ ላይታ

ጾሳ ኬ ኦሶ

ዉርሴ ላይታ

ካዎቴ ሻኬቴ

ፑዴሃ ባጋራ ዲዛ ቆሞቲ ዴንዳ ሜቶ

ዩሁዳ ካዎታኔ ኢስራኤሌ ካዎታ

ናቤ ኤልያሳ

ኢስራኤሌ ካዎ ኣካቤኔ ኤልዛቤሎ

ዩሁዳ ካዎ ኢዮሳፊጼኔ ኢስራኤሌ ካዎ ኣካዚያሳ