Roma

O Paulus awi Surati o Gogobu

O Romaka

O Singangasu ma Demo

Nako o Paulus awi dodoto o surati manenaka, awi ngale ma lamo gena <<o habari ḋaloloha magena inasimane ma ngeko idodooha o Gikimoi aku waaka to ngone nanga sininga itiai Unaka>> (1:17). De ma lamo gena una wonadoto ngone o nyawa inangodu, bai o Yahudika ma nyawa bai lo o bangsa ma somoa o Yahudika ma nyawa yasowo, bilasu nanga sininga o Jou waaka itiai. Ma nonomaka gena, o nyawa inangodu de nanga dorou so o nyawa moi lo ihiwa manga sininga itiai o Jouka (2:1-16). Ma sinotoka gena, sababu o Jou Yesus Kristus Awi sininga igogou itiai, so o nyawa nagoona la kanaga Una wipiricayaka, ona magenena lo aku o Jou Gikimoi wotemo manga sininga itiai Unaka (3:21-22). Ma saangeka gena, sababu nanga sininga ma dupa ḋatotorou ma kuasa isisaka, so upa he pamote kali (6:6), so ngone popipiricayaka inasimaha aku o Jou Gikimoi powileleani de lo paaka maro ka Una wodudupa (12:1). Nako kanaga o fasali 12 sidago o fasali 15 ma dongirabaka, awi dodoto ḋangodu magena bilasu o nyawa padodara.