Filipi

O Paulus awi Surati o Gogobu

O Filipika

O Singangasu ma Demo

O Paulus wolefo gena awi ngale ma nonoma onaka, wasingangasu awi sukuru idala-dala kiaka to ona manga ngongike o pipi wisidingo unaka ma orasi una o susa ma rabaka (4:10-20). De lo to ona manga sosulo o Epafroditus, ngaroko una magena iḋomaka wopanyake ḋatubuso, duma asa wiloha kali (2:25-30). Awi surati manena ma rabaka lo awi edekati to ona manga sininga wosiputuru so, ngaroko o sangisara ma rabaka, duma tanu ona asa ibarani imasigocoho o habari ḋalolohaka de yopiricaya. Igogou, sababu to ona manga piricaya de manga manara o Jouka gena ḋaputuru, so una asa wotemo ai sininga ḋanali (2:16, 4:1). Duma una lo wanako ona manga sidongirabaka kanaga imakangamo, so una asa wagegego wosidadu-dadu, la tanu ona imakadame de asa imarimoi kali de lo imatekesikoboso moi de moika (1:27, 2:2-4, 4:2). La ngaroko ona o sangisara ma rabaka lo tanu ona manga sininga ifoloi isanangi (2:18, 3:1, 4:4).