Kolose

O Paulus awi Surati o Gogobu

O Koloseka

O Singangasu ma Demo

O Koloseka ma gogobu kanaga manga sidongirabaka lo o Yahudika ma nyawa yasowo gena yadala (1:27), so kanaga ona yamuruo naga o dodoto ikokulaika isigise (2:16-23). So ona yasigamamu de itemo nakoso o Jou Gikimoi iwisigise itiai gena, bilasu o bi malaikat de o bi gurumi ipopareta ma somoa lo kagena yasuba de lo manga edekati o dorou yaholu sidago imasangisara. Duma o Paulus awi edekati o dodoto ikokulai magena walawangi. So una o surati manena ma rabaka wosulo tanu ona magena asa yosininga ḋaputuru, kiaka ma Kristus gena kanaga o Gikimoi Awi girinaka womatamiye la Awi horomati wamake (3:1). Komagena so bilasu manga suba ma meta gena ka ma Kristuska (1:15-20). Sababu ka cawali Una magena wosone so ngone nanga dorouno aku wonapalako (1:14) de lo o dodoto ma sihino la o nyawano de ikokulai gena aku kawa posigise (2:8).