1 Timotius

O Paulus awi Surati ma Nonoma

O Timotiuska

O Singangasu ma Demo

O Timotius una magena o Asia ma daera ma nyawa moi de o Jou Yesus Kristus wipipiricayaka. Una awi baba o Yunanika ma nyawa de awi awa o Yahudika ma nyawa. De una asa wodadi maro o Paulus awi dodiao moi so o Paulus widodiao o Jou Gikimoi Awi manara yaaka. De

Ma nonomaka gena, o Paulus wadedemo o dodoto ikokulai bilasu o Timotius walawangi (1:18-19). O dodoto magena o Yahudika manga dodoto de o nyawa ma somoa manga dodoto isikacapu. De manga dodoto ma sihino gena yopiricaya o alamu ma moi-moi ḋatotorou, de nakoso yamake o beseso moi imakanako gena asa ona yasisalamati de upa lo o nyawa ikawi eko o ino ma binuka upa yaoḋo. Ma sinotoka gena, o Paulus wobeseso o Timotiuska ma ngale o nyawa ipipiricaya manga aturu de manga sumbayang, wadedemo idodooha bilasu manga bobareta (3:1-7) de manga leleani (3:8-13) to ona manga sininga de o bi moi-moi yaaaka. Ma duuruka gena, wasingangasu de wasiduduga o Timotiuska idodooha bilasu una o Yesus Kristus wileleani ḋaloha de lo awi aturu o nyawa ipipiricaya o bolu moi de o bolu moi imakadahewa so bilasu waleleani ḋaloha.