2 Corinthians

Chapatǝ yarati Bulus kǝmɗi

Korintiyawecha

Tǝrkwathl kan ndikta

Chapatǝ yarati Bulus kǝmɗi Korintiyawecha, yerech fee hurawa terchan wa kǝrsǝ thla yara fee tǝrkwathl kanan. Tǝrchǝ fee Bulus tatǝ kǝmsha i Yesu yarechan wanshenggǝnchǝɗi natǝn ǝ thle Makiɗoniya, mǝɗi chǝtǝn tar ɓaas kwastǝ ɗikta yi sǝkta hurechǝ kum chǝt ɗǝrman nggǝrsǝ ɗǝrman kǝrsǝ nggǝt Yesu.

Yarech fee ɗelwertǝɗiya kǝthlǝm kǝ wathlan fee fǝ fǝr kit chǝɗi nech ǝ Korinti sǝ wa, kǝ nakanya peˈchi Bulus yah tanda. Sǝnan fee tandǝs wa, ndiktǝɗi thlǝnowun ndǝn thla ndech wa kǝ chok wun kǝ shikechi Farta tǝmɗi Yesu peˈchan ha, nggǝrwa ha wa. Thleya chokchan kǝɗu, chǝka nakan wa tapi yananchi tandǝ ha ǝ hur yowun ɗelwertǝɗi yarandǝn tandǝsi. Kǝrsi ndiktǝɗiya, chat shiyankǝ Bulus tanda kǝ wumandǝ kǝnau pafǝn thla natǝn ɗǝt taˈanchi kǝ Urshelima nakan nat ɓat kǝmɗiyandǝ tolla wa.

Naa fee nata ndik Bulus kaan kǝ ɗar indiyan hur ɗelwertǝɗiya mǝ takǝt ǝnɗi yaratǝn hur ɗelwerchiɗi yaratǝn. Thleya chokchan kǝɗu kǝthlǝm ǝ fartǝɗi naa Bulus yara ɗelwertǝɗiya ɓillasi kaan pǝthlǝr nandǝ tǝ fowun hur nafcha fǝ fǝr kit ǝ Korinti.

Ə hur ɗelwer taˈan, Bulus chentǝ indiyan kesh ǝ ɗar ˈyaraɗi thlǝ chandǝ fǝ chaˈachǝ kaɗ kǝ fǝ lekchǝ yu yi ndat wa mǝthlan ngga tatǝ kǝmsha yi kit wa.