1 Corinthians

1 Corinthians

Tǝrkwathl kan yarati Bulus kǝmɗi Korintiyawecha

Tǝrkwathl kan ndikta

Thla yarech tǝrkwathl kan ndiktǝɗiya kǝmɗi Korintiyawecha, mǝthlan nech kǝ Bulus tatǝ kimsha i Yesu. Yarechan ɗelwertǝɗiya fartǝɗi natǝn tǝ chok tǝ ǝ mǝrǝɓ Afisa, ǝ hurech kum chǝt ɗǝrman nggǝrsǝ ɗǝrman (55), kǝrsǝ nggǝtti Yesu.

Yarech Bulus ɗelwertǝɗa kǝthlǝm kǝ tǝɗanchi thlǝmatˈyanda kǝ ɓǝra ɓillachǝ thlaˈchǝ samǝn samǝn. Tǝ hur incha yi kuɓandǝ fata samǝn samǝn, thla nechsi hur nanda fǝ fǝr kit cha. Fen tǝɗi fǝrchǝ kit tǝmɗi ɓasi Bulus.

Ə thlǝhaɗan Korinti kapa mǝrɓa thla sǝndǝ fee anchi tǝ hur inchi samǝn samǝn. Hur inchiɗa paɗ fen nech kǝ, hiyandǝ kaɗi tǝ hita. Thlǝ kweˈchandǝ ha tǝ kaa hurinda, tǝ sǝn ǝna. Kweˈtǝ ha tǝ para raˈatˈyanda, tǝ fǝlaukǝta, kapaɗan fǝlaukǝtɗi mbancha raˈatˈyandǝ fa. Ɗelwertaˈan ndik kǝ ɓǝra chak tǝ ha pǝthlǝr nafcha fǝ fǝr kit. Tǝ tar fǝlaukǝɗ ɗi naa fowun huran. Tǝ mǝk wan har raˈan thla thlǝ na fowun chǝta ǝ pangngǝn fǝ chak mi cha fee nawakchǝ kǝ fǝ fǝr kit cha. Tǝ paɗ saa feri Chinda thla thlǝ naa fowun chǝta tǝ mbanɗi kǝmwak chǝsi. Tǝ kǝɗu paɗ, tahǝssi chǝt ɗelwertaˈan kǝ ɓǝra chaˈandǝ kaɗi yi lekta thla thlǝ naa fee chita kǝ ɓǝra thlaˈti mǝmatecha. Ə nggǝlmiyan Bulus pin wa wanɓǝɓi ɓilla chiɗi nech ǝ Korinti ya ndaˈan nech kǝ, kǝ pǝnandǝ raˈan yahraˈan tǝɗi thlǝt nda mǝɗi Farta.

Ichiɗi nech hur yaraɗan

Ndaˈina tǝ shenuˈtǝ tǝ Farta 1:1-9

Chak tǝ ha pǝthlǝr nafcha fǝ fǝr kit 1:10--4:21

Ɓilla kǝ ɓǝra thlǝrɗakta 5:1--7:40

Manandǝ Farta mǝni manandǝ ɗǝhacha 8:1--11:1

Mbanɗi naa fee manandǝ Farta 11:2--14:40

Thlaˈti Yesu ǝ mǝrta, tǝ yi fǝ fǝr kit 15:1-58

Fǝr icha kǝthlǝm fǝ fǝr kit chiɗi nech ǝ thle Yahudiya 16:1-4

Ndukwa ndikta tǝ ndaˈina 16:5-24