Skip to content
BibleKenya

Maliko

Mark

Introduction from this edition

Mbuli Zidamane za

MALIKO

Ulongozi wa mbuli zino

Mbuli idamane iyandikigwe na Maliko ni imwe ya vitabu vinne va lagano mpya vikusimulila vila Yesu akalile akukala. Kila kimwe cha vitabu ivo kikutangigwa “Injili” Maanayake Mbuli Idamane. Vitabu vino viyandikwa na Matayo na Maliko na Luka na Yohana. Mbuli Idamane yandikigwe na Maliko ndo chitabu chiguhi kufosa vose muna ivitabu ivo vinne. Vilavila ikutogoligwa kuwa ino ndo mbuil idamane yandusile kuandikigwa kufosa izo zose na yandikigwa hagati ya myaka ya 65 adi 70. Ivo aelekigwe Yesu kilisito. Wamanyi wengi wakutogola kuwa mbuli ino yandikigwa kuna dibululu da Lumi ili iwagele moyo Wakilisito wakalile wakukala uko.

Vilavila Maliko akumanya gesa Yohana Maliko kakala imwe wa want'hu wa haguhi wa Balinaba na Paulo. Mbali sifa yake ikabanangika vila ezile kuihalava mui nt'hambo yawe ya kitumigwa. Nt'hendwa 13:13 Kamala Maliko akaita kaidi na Balinaba 15:37, 39 Ivila ikuoneka Maliko kakala mbuya wa haguhi wa Petulo 1 petulo 5:13 Maliko hakalile imwe wa wamuonile Yesu ivo wamanyi wa Bibilia wengi wakumanya maliko kandika yala ayaonile Petulo na uo ndo mwanduso wa Mbuli Idamane gesa vila yandikigwe na Maliko. Mui Mbuli Idamane ino Maliko akutint'hisa mbuli za kuwa mwanahina wa Yesu na mafunzo ya Yesu yakuhusu siku za nk'homelezo.

Muhutaasali

Maliko akuchitambulisha chitabu chino muna 1:1,13

Kamala Maliko akusimulila mbuli atendile Yesu ivo akalile Galillaya. Muna isula ya 1:14, 8:21

Kamala akuisimulila nt'hambo ya Yesu kwita Yelusalemu 8:22-10:52

Maliko akukomeleza kwa kwandika mbuli ya siku za Yesu ivoakalile Yelusalemu. Hamwenga na kudanganika na kubwela kwake muugima. Muna 11:1-16:8.

Dowe Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.