Skip to content
BibleKenya

2Wakolinto

2 Corinthians

Introduction from this edition

Baluwa ya kaidi ya Paulo kwa

Wakolinto

Ulongozi

Baluwa ya kaidi ya Wakolinto iyandikigwa na Mtumigwa Paulo ivoifosile myaka hamsini na tano na hamsini na sita tangu kwelekigwa Yesu Kilisito muisula ya 1:1. Ino nio baluwa ya kaidi hagati ya zila chilinazo ziandikigwe na Paulo kwa pelela dya want'hu wakumtogola Kilisito dya Kolinto. Wamanyi wakutogola kuwa Paulo chipindi chifosile kawaandikila Wakolinto baluwa kali nk'hani. Chibule kalatasi yoyote ya baluwa ino ila Mtumigwa Paulo akuitambula mui sula ya 2:3-4. Baluwa ya kaidi ya Wakolinto ikudahikana iyandikigwa chipindi Paulo ivoakalile akukala kudibululu dya Makedonia mui sula 2:13.

Baluwa ya kaidi ya Wakolinto ni baluwa haikulingana na baluwa zimwenga kwani ikusimulila mbuli nyingi zikumuhusu Paulo mwenyewe hamwenga na magesa yake. Paulo akusimulila kudenk'helela kwake kulawane na mbuli idamane kuhusu pelela dya want'hu wakumtogola Kilisito dikukala kudibululu dya Kolinto aihokele kulawa kwa Tito. Muibaluwa ino, chikupata mafunzo ya kuhusu mbuli ya kulava kwa lolelo dya Lagano Jipya, mui baluwa ino Paulo akulava malagilizo kwaajili ya kuwe na kulava hela ili kuwataza watogozi wakumtogola Kilisito wakukala kudibululu dya Yelusalemu mui aya 8-9. Ikuoneka kuwa watumigwa wamwenga wa uhuni wakalile sio want'hu wakumtogola Kilisito waingila maya wayapatile kwa kusongezwa na want'hu wakumtogola Kilisito zidi ya Paulo, kwa kulonda kumanyika ao muhala. Wageza kuwatenda want'hu waone mkanganyiko kuhusu ukulu wa utumigwa wa Paulo, mbuli imtendile atumie mbuli zina nguvu muink'homelezo mwa baluwa ya kaidi ya Wakolinto kulagisa ukulu wake yeye mwenyewe gesa mtumigwa wa Yesu Kilisito.

Yeli umo

Paulo akwandusa kuandika baluwa yake kwa kudilamsa pelela dya want'hu wakumtogola Kilisito mui sula ya 1:1-7.

Kamala Paulo akusimulila mp'hint'huko ya mbuli ya nt'hambo zake, na nt'hume zikuwahusu azihokele na mwitikilo wawe kuhusu baluwa yake ilongole mui sula 1:8-7:16.

Ukaleka aho, Paulo akulava malagilizo kuhusu kulava hela kuwataza watogozi wakukala kudibululu dya Yelusalemu mui sula 8:1-9:15.

Muink'homelezo, Paulo akuiyalala kwaajili ya utumigwa wake, na akulava makanyo kuhusu nt'hambo yake ikalile ihaguhi mui sula ya 10:1-13:10.

Dowe Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.