परमेश्वरन सत्य वचन
रोमियो 4
अब्राहम क उदाहरण
ते हामु काय कयजे, हामरा डाहायलान बास अब्राहम काजे काय सापड़लो? काहकि यदि अब्राहम कामन रईन न्यायी ठरलु जातु ते, तीनाक डाहळाय करनेन जागु रोवतु, पुन यहोवा–भगवानन साथे नी। 1चुखलो शास्त्र काय कयतो छे? यो कि “अब्राहम यहोवा–भगवान पर विश्वास करलो, आरू या तिनान करता न्यायीपन गिनाय गया।” काम करनेवाळान दाहाड़की आपणु दान नी रोवे, पुन हक समझी जातो छे। पुन जु विश्वास पर जेलाईन नी पुन कामो पर आरू यहोवा–भगवान पर विश्वास करता छे आरू जु यहोवा–भगवान पर ढोंगी भक्ति न काम बनावतु छे। हेकान यो यहोवा–भगवान पर विश्वास छे यहोवा–भगवान हेके न्यायी ठहरावता छे। दाऊद क यो मतलब होतो कि ज्योत्यार चाँ उका मानसन क खुश होईन कयो छे जिनाक यहोवा–भगवान न्यायपन मानततु हतु, जो काहय भी करतु छे। “धन्य छे चाँ जिनान अन्याय माफ होया, आरू जिनरा पाप ढाकला गया।” “धन्य छे चाँ मानसे जिनाक यहोवा–भगवान पापी नी ठरावे।” ते यो धन्य वचन, काय खतनावालोंन करता छे, खतनारहितोंन भी करता? हामु यो कयता छे, “अब्राहम न करता तिनान विश्वास न्यायीपन गिना गया।” ते चाँ कोतार हुयो? काय ज्योत्यार हेकान खतना होय गयलो होतो। क बिना खतनान होतु। नी खतना होयनेन बाद नी बल्की खतना होयनेन पेहल ओसो हुयो। आरू हेकान खतना होयतो ते एक सहलानी बनाव ताकि दर्शाव सके, कि यहोवा–भगवान उका खतना होयनेन पेहलुज विश्वासन द्बारा न्यायी स्विकार कर्यु! आरू अब्राहम सब विश्वासन आत्मिक बास बोन्यु हिमी चाँ बिना खतनान छे, पुन विश्वासीन छे, एरेन करता चाँ भी विश्वासी रूकाय जाछे; चु तिनरू भी बास छे जिनरो खतना होयलो छे। ताकि काहकि चाँ मानसे खतना होयलाज हुता, बल्की आमरू बास अब्राहम विश्वासन पद सहलानी पर चालनेवालु होतु, चु अब्राहम जु खतना हुयने पेहल पर चाललु। विश्वास क द्वारा यहोवा–भगवान की प्रतिज्ञा क मिलना ज्योत्यार यहोवा–भगवान अब्राहम छे आरू ओको पिढी छे प्रतिज्ञा करलो कि तुमू संसारन हकदार होयछे, यी प्रतिज्ञा अब्राहम काजे व्यवस्थान पालन करने छे नी मिवी पुन उका पर विश्वास कर्यु आरू यहोवा–भगवानन द्वारे न्याय स्विकार कर्या गया एरकारण छे मिवी। 2ऐरकरता यदि मानते छे कि, यहोवा–भगवान आपली ची प्रतिज्ञा यी व्यवस्थान कारण पालन करनेवावा काजे मिवी, ते तुमरू विश्वास व्यर्थ छे, आरू यहोवा–भगवानन प्रतिज्ञा रिकामी होय जाती छे। व्यवस्था रईन रीस प्रकट होयती छे, पुन जा व्यवस्था नी छे, चाँ व्यवस्थान नियम कोय नी तुड़तलो। आरू यो यहोवा–भगवान भेटावनी छे, सब अब्राहम न वंश काजे भेटावनी छे, यो सिर्फ व्यवस्थान पालन करनेवालाज नी जा विश्वास करता छे, जो अब्राहम करलो काहकि अब्राहम हामु सबन आत्मिक बास छे। जोसो लिखलो छे, “हाव तुखे बैस राष्ट्रान बास ठरावलु छे” काहकि यी वात यहोवा–भगवानन सामने वारली लागली छे। जु यहोवा–भगवान मरला माईन लोगहन क जीवता करलो छे, जु यहोवा–भगवान रूप रहित वातन आपसी हुकुमन रूप मा लावलु होतु। विश्वास करला, आरू जु मरला काजे जीवाड़े छे, आरू जी वात छे नी, तिनरा नाव ओसा लेता छे कि माने चाँ छे। जसो वचन मा लिखलो छे, तु घण सवटी जातीन बास होयछे, आरू तारी पिढ़ी तारान सारकी होयछे। इनी वात पर आश राखनेन काय कारण नी हतों, तेबी अब्राहम विश्वास आरू आश राखिया। काहकि चू सौ सालोन धोड़ तुमरा मरे होय शरीर आरू सारा क कुख क मरली होई क सी दशा जानीन भी विश्वास मा निर्बल नी हुयो, आरू नी विनभुरसीया होईन यहोवा–भगवानन प्रतिज्ञा पर संका करे, पुन विश्वासमा द्दुढ़ होईन यहोवा–भगवानन महिमा करे; आरू पाको जाना कि जिन वातन चु प्रतिज्ञा करली छे, वा तीनाक पुरो करनेमा भी समर्थ छे। एर कारण, यहोवा–भगवान अब्राहम क ओका विश्वासन लारे हेके न्यायी मान लेदु। आरू यो वचन, “विश्वास द्वारे न्यायी मान लेनो” सिर्फ तिना एखलान लोगहन जुगु नीं लिखी गयो हतो। यो कि हामरे जुगु भी लिखी गय जो हामु न्यायी बनाड़े गया आरू जो हामु ईशु हामरा पोरबु जो मोतो माईन जीवतु हयु तिना पर विश्वास करजे। चु हामरा पापोन कारण मोत जुगु आपाय गयु आरू हामुक यहोवा–भगवानन साते न्यायी बनावीन मरलाम माईन जीव उठ्यु।
Source notes (2)
- Cross-reference गलातिया 3:6
- Cross-reference गलातिया 3:18
परमेश्वरन सत्य वचन. Copyright © 2025 The Word for the World International and Dhankavi Mandli, Khargon, Raykhed, Nandurbar, Maharashtra 2025. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.