रोमियो 16

व्यक्तिगत नमस्कार

1हाव तार छे फीबेन करता जु हामरी बहिनीस काजे आरू किंख्रिया की मंडळी सेविका छे, रावन्या करता हुं 2कि तुखे, जोसो कि चुखलो मानसोंकाजे जुवछे, ओको पोरबु मा मान्य करू; आरू जीन कुणीन वात मा ओकान तुमरी जरूरत रोवे, ओकान साहायता करू, काहकि चाँ भी बेसक की वरना मारी भी करलो काम करनेवाली रोवी छे। 31प्रिस्किल्ला आरू अक्विला काजे जु मसीह ईशु मा मारा पुठी काम कोरन्या छे, नमस्कार। 4चाँ मारा जीवन करता आपनोज जीवन जोखिम मा नाक देदा छे; आरू केवल हाव नी, वरना गैरयहुदीन सुब मंडळी भी ओकान धन्यवाद करती छे। 5ओको मंडळी काजे भी नमस्कार जु ओका घर मा छे। मारा मोंगावु इपैनितुस काजे, जु मसीहन करता आसियान पेहलो फोव छे, नमस्कार। 6मरियम काजे, जा तुमरे करता बैस मेहनत कर्‍या, नमस्कार। 7अन्द्रुनीकुस आरू युनियास जा मारा घरानो छे, आरू मार साथ कैद होयला हुता आरू प्रेरितन मा नामी छे, आरू मोखे रईन पेहल मसीह होयला हुता, नमस्कार। 8अम्पलियातुस काजे, जु पोरबु मा मारू मोंगावु छे, नमस्कार। 9उरबानुस काजे जु मसीह मा आमरू पुठी काम कोरन्या छे, आरू मारा मोंगावु इस्तखुस काजे नमस्कार। 10अपिल्लेस काजे जु मसीह मा सचू निकवु, नमस्कार। अरिस्तुबुलुसन घराना काजे नमस्कार। 11मार घरानो हेरोदियोन काजे नमस्कार। नरकिस्सुसन घरानान जा मानसे पोरबु मा छे, ओका नमस्कार।

12त्रूफेना आरू त्रूफोसा काजे पोरबु मा मेहनत करती छे, नमस्कार। मोंगावु पिरसिस काजे जु पोरबु मा बैस मेहनत कर्‍या, नमस्कार। 132रूफुस काजे जु पोरबु मा नेवाड़ला छे आरू ओका माता क जु मारी भी छे, दुयो काजे नमस्कार। 14असुंक्रितुस आरू फिलगोन आरू हिर्मोस आरू पत्रूबास आरू हिर्मास आरू ओको साथ भाईस्यो काजे नमस्कार। 15फिलुलुगुस आरू युलिया आरू नेर्‍युस आरू ओकी बहिनीस, आरू उलुम्पास आरू ओको साथे सुब चुखलो मानसो काजे नमस्कार। 16आपसु मा चुखलो चुम्बन छे नमस्कार करू। तुमूक मसीहन सुब मंडळीया रईन भी नमस्कार।

आखरी निर्देश

17हिमी हे भाईहो, हाव तुमूक रावन्या करता छे, कि जा मानसे शिक्षान विपरीत, जो तुमूक जुवड़ो छे, फूट नाखनेन आरू ठोकर खावाड़नेन कारण रोवता छे, ओको काजे ताड़ लिदा करू आरू ओको छे छेटा रोवजु। 18काहकि ओसला मानसे हामरा पोरबु मसीहन नी, पुन ओका पेटन सेवा करता छे; आरू वारली–वारली वातु रईन सीधे–सादे मनन मानसो काजे बड़काव देता छे। 19तुमरी हुकुम मानने की चर्चा सुब मानसो मा फैल गय छे, एरकरीन हाव तुमरे विषय मा खुशी करतु छे, पुन हाव यो चाहतु छे कि तुमू भलाई न करता बुध्दिमान पुन बुराईन करता भोला बोवना रवु। 20शांती क यहोवा–भगवान शैतान काजे तुमरे पायो करीन शीघ्र कुचली दे। आपसा पोरबु ईशु मसीह काजे फोकटन दया तुमूक पर हुयती रोवे। 213मारा सहकर्मी तीमुथियुस न, आरू मारा घराना लूकियुस आरू यासोन आरू सोसिपत्रुस काजे तुमूक नमस्कार। 22मोखे पत्री क लिखनेवावा तिरतियुसन, पोरबु मा तुमूक नमस्कार। 234गयुस जी मारी आरू मंडळी पहुनाई करनेवाळु छे, ओकान तुमूक नमस्कार। इरास्तुस जु नगरन भण्डारी छे, आरू भाई क्वारतुस काजे तुमूक नमस्कार। 24आमरू पोरबु ईशु मसीहन फोकटन दया तुमु पर होयतु रोवे। आमेन।

यहोवा–भगवानन बढ़ाई

25हिमी जा तुमू काजे मारा खुश खबर मतलब ईशु मसीहन संदेशन खबरन लारे स्थिर कर सकता छे, ओको भेदन प्रकाशन लारे जा अमरकाय काजे धोपाय रोवला, 26पुन हिमी प्रगट होईन अमरकाय यहोवा–भगवानन हुकुम रईन भविष्यवक्तान किताब क द्वारा सुब जातियक काजे कोवनु छे कि चाँ विश्वास रईन हुकुम माननेवावा होय जाऍ, 27ओका एकुत् बुध्दिमान यहोवा–भगवान कि ईशु मसीहन द्वारा युगानयुग महिमा होयती रोवे। आमेन।