प्रकाशितवाक्य 2

इफिसुस क खबर

1“इफिसुस नी मंडळीन सोरगदूत क यह लिख:

“जो सातो तारा आपसा हात मा लेदलो छे, आरू सोना क सातों दीवट क बीच मा फिरे, वो यो कय रियो कि 2हाव तारा काम क आरू तारी मेहनत, आरू गम क जानू; आरू यो भी कि तु भुण्डळा लोगहन क देखी नी सके, आरू जो आपसा क चाकरिया कयतो होय् आरू वो नी हय उनको तु झूठा सापड़ियो।” 3तु गम राखतो छे, आरू म्हार नाव सी दुःख झेलतो–झेलतो थाक्यो नी। 4पर मखे तारा विरोध मा यो कयनो छे कि तुन थारो पेहलो सो मोंग छुड़ी दियो छे। 5एरकरीन फोम कर कि तु काँ सी पड़लो छे, आरू मन फिराव आरू पेहलो सारको काम कर। जव तु मन नी फीरावे तव हाव तारै पास आवीन् नतारी दीवट क उका धरती सी छेटो करी द्योंगा 6पण हाव यी वात तो छे कि तु नीकुलइयों क कामो सी वारू किचवाये आरू हांव भी किचवायो। 71

जिनका कान होय वो सुमळी लेयो कि जीव मंडळी छे काय कयता छे; जिका जित जोड़े, हांव उको चो जीवन क झाड़को न क जो यहोवा–भगवान न सोरग लोक मा छे, फोव खाने द्योंगा।

स्मुरना क खबर

82

“स्मुरना की मंडळी क सोरगदूत क यो लिख: जो पेहलो आरू सेवली छे, जो मर गियो हुतो आरू अब जीवतो छे, त्यो यो कये कि 9हाव तारो दुःख आरू गरबाय क जानो पर तु लकपती छे, आरू जो लोग होन आपसे क यहूदि कये छे आरू वो नी छे, पर वो शैतान क मंडळी छे, उका निन्दा क भी जानू छे” 10जो दुःख तीखें झेलनो छे उका सी मा बीहि। काहकि देंखु, शैतान तुहूं थुड़ांग क जेल खाना मा नाखने वाळो छे जिना सी तुमूू पारखाय जाय; आरू तुहूंक काजे दस दाहड़ा तक दुःख झेलनू पोड़छे। जीव आपने तक तु विश्वास रहवो, तव हांव तिखे जीवोन् न मुकुट द्योंगा। 113

जिना कान होय वो यो सोमळी लेय कि आत्मा मंडळी क काय कये। जो जिती जाय, उको दिसरी मोत से अन्याय या दुस्मन नी हुयो।

पिरगमुन क खबर

12“पिरगमुन की मंडळी क सोरगदूत यो लिख:

“जिना पास दूयधारी आरू तिखी तलवार छे, वो यो कये छे कि 13हांवयो जानू छे कि तु वाँ रोवे वा भूतड़ा न सिंहासन छे; तु म्हारा नाव मा वातड़ो छे, आरू म्हारा पर भरोसा राखने सी उना दाहड़ा मा हाव भी पछो नी पड़्यो जिना मा म्हारा विश्वासयोग्य गवाह अन्तिपास, तुमरा विच मा उना धरती मा माराय गियो वा शैतान न रोवे छे” 14पर मका तारा विरोध मा काहय वात कयनो छे, काहकि तारे याहा थुड़ांक ओसा छे नो बिलाम नी शिक्षा क माने, जिन् ने पोर्‍य न क इस्त्राएली क सामने ठुकर खाने क कारण राखनो सिखाड़्या कि वो मुरतीया क चढ़ावली चीज क खाय आरू व्यभिचार करे। 15ओसात् तारे या थुड़ांक ओसा छे, जो नीकुलइयों की शिक्षा क माने। 16शेवली कावा मन फिराव, नी ते हांव तारे या छाटलोत् आवीन म्हारा मुय की तलवार सी ओको साथ मा लोड़ाय करीस। 174

जिना कान होय वो यो सोमळी लेय कि जीव “आत्मा” मंडळी सी काय कये छे।

जो जित जाय ओका हांव ढाकायलो खानो द्योंगा, आरू ओका धवळो दगड़ो भी द्योंगा आरू उना दगड़ा पर एक नाव लिखलो होयगा, जिना उका पाय लेना वाळा क छुड़ीन दूसरो कोय भी नी उको जाने।

थुआतीरा क खबर

18“थुआतीरा की मंडळी क सोरगदूत क यो लिख:

“यहोवा–भगवान क पोर्‍या जिना डुळा आगठान धोपना सारको आरू उका पाय मोहंगा पीतळोन सारका छे वो यो कये छे कि 19हांव मखे थारा काम, आरू मोंग, आरू विश्वास, आरू सेवा, आरू गम क जानू, आरू यो भी कि थारा पोछला काम पेहले से भी बढ़ीन छे।” 20पुन मखे थारा विरोध मा यो कयनो छे, कि तु तिनी बायोर इजेबेल क थारे या रहवने देय जो आपसू भविष्यव्दक्ता कहे, आरू म्हारा दास व्यभिचार आरू मुर्तीयान ओगळ चढ़ावली चीज क खाने सीकाड़ीन भटकाड़े। 21हाव उको पापोन से पछतावो करने क टेम दियो पुन ची उका व्यभिचार क काम से मन फिराव नी करी। 22अतरानकरीन करीन देख हाव पीड़ान की खाटली पर उको न्हाख दिस आरू त्या लोगहन क भी घणी पीड़ा मा न्हाख दिस जो उका सात मा व्यभिचार मा लागला छे कदाम त्या उका सात भुण्डला काम से मन फिराव नी करे। 23आरू हाव उका पोर्‍या क पीड़ा से नाश कर दिस। तव तक मंडळी जान लेदा कि ह्रदय आरू मन क पारखनेवावु हाव छे, आरू हाव तुमु मा से हर एक क ओका क काम क अनसारे बदली दिस।

24पुन तुमू थुआतीरा क बाकी लोगहन से, जतरा इनी शिक्षा क नी माने 25तीबि जो तुमरे जुळ छे उको, म्हारेन आवने तक सुक्षित राखजो 26जो जीत जाय आरू आखरी तक म्हारी मोरजी पूरी करे उको हाव जाति–जाति क लोगहन पर हक आपीस। 27आरू त्यो त्या लोगहन पर लुहड़ा क सरियो लीन राज करसे आरू त्या धरतीन ठिकरा क सारका त्योर–त्योर होय जासे हाव भी म्हार बास से असो हक लिदलो छे। 28आरू हाव उको भोळ भाकान क विजाळो तारो द्योंगा।

29जिना कान्टा होय वो समळी लेय कि आत्मा मंडळी से काय कहे।