फिलिप्पियो 1

11

मसीह ईशु क चाकरीया पौलुस आरू तीमुथियुस क तरप छे,

आखा चुखा लोगहन क नाव जो मसीह ईशु मा हईन फिलिप्पी मा रयता छे, अध्यक्ष आरू सेवको सहावत।

2हामरा बास यहोवा–भगवान आरू पोरबु ईशु मसीह की आरू छे तुमूक फोकटन दया आरू शांती मिवती रये।

पौलुसन प्रार्थना आरू धन्यवाद

3हाव जव तुमूक फोम करता छे तव आपसा यहोवा–भगवान क धन्यवाद करता छे। 4आरू जव किही तुमू सब क करता रावन्या करता छे, तो सदा खुशी क साथे रावन्या करता छे। 5अतरान करीन कि तु पेहल दाहड़ो छे आज तक खुश खबर क पसरावने मा मारो साजलिया रहवला छे। 6मखे इनी वात क भरसु छे कि जिनुम तुमूक हाव वारलो काम सोरू कामो छे, ईशु मसीह क दाहड़े तक पूरो करसे। 7न्यायी छे कि हाव तुमू सब क करता ओसो ही विचार करीस, काहकि तुमू मारा मन मा आय बस्या होय, आरू मारी कैद मा आरू खुश खबर क करता जवाब आरू प्रमाण देने मा तुमू सब मारे साथे फोकटन दया मा सहभागी होय। 8इनाम यहोवा–भगवान मारो गवा छे कि हाव मसीह ईशु की सी दया करीन तुमू सब की लालस करता छे।

9हाव यी प्रार्थना करे कि तुमरा मोंग ज्ञान आरू सब प्रकार क विवेक सहित आरू भी बढ़तो जाय। 10याहा तक कि तुमू वारू छे वारू वात क मोंगावु जानो, आरू मसीह क दाहड़े तक सचा बने रया, आरू ठुकर नी खाय। 11आरू ओको न्यायपन क फोव छे जो ईशु मसीह क द्वारा हुयसे छे, भरपूर हुयसे जावु जिनुछे यहोवा–भगवान की महिमा आरू बढ़ाई होयती रये।

पौलुसन कैद छे खुश खबर की बढ़ती

12हे भाईस, हाव जूवतो छे कि तुमू यो जान लेवु कि मखे पर जो बीता छे, ओका सी खुश खबर ही की बढ़ती होयी। 132याहा तक कि कैसर क किलान की सारी पलटन आरू शेष सब मानसे मा यो प्रगट होय गया छे कि हाव मसीह क करता कैद छे। 14आरू पोरबु मा जो भाईस छे, इनुमा छे खुब जना मारे कैद होयनेन कारण, हियाव बांधीन यहोवा–भगवान क वचन निधड़क सोमवावने क आरू हेम्मत करतो छे।

15काही तो डाह आरू झगड़ा क कारण मसीह क खबर करतो छे आरू काही वारली मरजी छे। 16कयी एक तो यो जानीन कि हाव खुश खबर क करता जवाब देने क ठेराया गया छे, मोंग छे खबर करता छे। 17आरू कयी एक तो सुधी छे नी पर विरोध छे मसीह की कथा सोमवाता छे, यो सुचीन कि मारी कैदी मा मारे करता पीड़ा पैदा करे।

18तो काय हुयो? केवल यो कि हर प्रकार छे, जूवे वजेसे छे जूवे सची छे, मसीहन काहनी सोमवाड़ जाती छे, आरू हाव ओका सी खुशी छे आरू खुशी रोवीस भी।

जीवतो रोवने मसीह छे

19काहकि हाव जानतु छे तुमरी रावन्या क द्वारा, आरू मसीह की आत्मा क दान क द्वारा, ऐरो हर फोव मारो उध्दार होयछे। 20हाव तो योही हार्दिक लालस आरू आश राखतो छे कि हाव काही वात मा लज्जित नी हुयो, पुन जोसो मारो मजबुत साहस क कारण मसीह की बढ़ाई मारो डील क द्वारा सदा होयती रयी छे, वोसी ही हिमी भी होय, जूवे हाव जीवतो रोवीस या मर जाईस। 21काहकि मारे करता जीवतो रोवने मसीह छे, आरू मर जाने लाभ छे। पुन यदि डील मा जीवतो रोवने ही मारो काम क करता लाभदायक छे तो हाव नी जानतु कि कुनीक त्योना। 22काहकि हाव दुयन वीच मा टागायलु छे; जी तो जूवतो छे कि काही करीन मसीहन साथे जाय रवु, काहकि यो घोणा ही वारलो छे। 23काहकि हाव दुयून विच विचार मा चस्ठी रयु; जी तु जुवतो छे कि कूच करीन मसीहन साथे जायन रवु, काहकि यो घोणा ही वारलो छे। 24पुन डील मा रोवने तुमरे कारण आरू भी छाची छे। 25अतरान करीन कि मखे ऐरो विश्वास छे शेवली कावा हाव जानता छे कि हाव जीवतो रोवीस, वरना तुमू आखा साथे रोवीस जिनाछे तुमू विश्वास मा दृढ़ हुयसे जावु आरू इनुमा खुशी रवु। 26आरू जो डाहळाय तुमू मारा विषय मा करता होय, वो मारे पछु तुमरे साथे आवने छे मसीह ईशु मा सवटो बढ़ जावु।

27सिर्फ ओतरा करू कि तुमरो चाल–चालने मसीहान खुश खबर क योग्य छे क चाहे कि हाव आवीन तुमूक देखसु, चाहे भी नी जाऊ, तुमरा बारा मा यी सोमव्यु कि तुमु एकुज आत्मा मा स्थिर रवे, आरू एक जागे ध्यान लागाड़े खुश खबर क विश्वासन करता मेहनत करता आरू जीवन जीवता रवजु। 28आरू काही वात मा विरोध छे भय नी खाता। यो इन्दरे करता विनाश क साप सहलानी छे, पुन तुमरे करता उध्दार क आरू यो यहोवा–भगवानन चा रयन छे। 29काहकि मसीह क कारण तुमू यो फोकटन दया हुयो कि नी केवल ओको पर विश्वास करू पर ओको करता दुःख भी झेलो। 303आरू तुमूक वोसो ही मेहनत करनो छे, जोसो तुमू ने मखे करता देख्या छे, आरू हिमी भी सोमवता होय कि हाव वोसो ही करता छे।