1 पतरस 3

घरवाळा आरू बायर

11

हे बायर, तुमू भी आपसा घरवाळा क हको तळे रयो, अतरान करीन कि यदि इन मा छे काही ओसो होय जो वचन क मानता होय, 2तौभी तुमरे बीक सहित चुखलो चाल चालने क देखीन विना वचन क आपसी–आपसी बायर क चाल चालने क द्वारा खेच जाय। 32तुमरा सिनगार दिखावटी नी होय, मतलब झटा गुथने, आरू सोने क गयनो, या भाति क लुगड़ा पेहरने। 4वरना तुमर डुकायलो आरू सातायलो मानुसत्व, नम्रता आरू मन क दीनता क अमरकाया सजावट छे सुसज्जित रये, काहकि यहोवा–भगवान न नजर मा ओका किमत मोटी छे। 5पूर्वकाव मा भक्तीमान बायर भी, जो यहोवा–भगवान पर आश राखती होती, आपने आप क इनी रीति छे संवारती आरू आपने आपने घरवाळा क हको तळे रयती होती। 6जोसो सारा अब्राहम की हुकुम मा रयती आरू ओको भगवान कयती होती। इनी प्रकार तुमू भी यदि भलाई करू आरू काही प्रकार क भय छे भयभीत नी होय, तो ओकी पोराय ठराय।

7वोसो ही घर वावो तुमू भी बुध्दिमानी छे बायर क साथे जीवन निर्वाह करू, आरू बायर क निर्बल पात्र जानीन ओको विजुत करू यो समझीन की हामु दुय जीवन क वरदान क वारीस छे, जिनासे तुमरी प्रार्थना रूक नी जाय।

भलाई करने क कारण सताव

8शेवली कावा सब क सब एक मन आरू किरपा आरू भाईचारे की मोंग राखनेवाळा, आरू सहनुभुती करूणामय, आरू नम्र बनु। 9बुराई क बदले गाली देवु; पर ओका विपरीत बरकत ही देवु काहकि तुमू बरकत क वारीस हुयने क करता बुलाया गया होय।

10काहकि “जो काही जीवन की मरजी राखता छे,

आरू वारला दाहड़ा देखने जूवता छे वो आपसी जीभ क बुराई छे,

आरू आपसा हुटड़ा क छोव

की वात करने छे रूक रये।

11वो बुराई क साथ छुड़े आरू भलाई ही करू:

वो हावव मिलाप क हेरता, आरू ओका यत्न मा रये।

12काहकि पोरबु क डुवा न्याय पर लागी रयती छे,

आरू ओका कान्टा उनकी रावन्या करी आरू लाग रयता छे;

पुन पोरबु बुराई करनेवावा क विरोध रयता छे।”

13यदि तुमू भलाई करने क करीन जुर सी भरायलो रयो तो तुमरी बुराई करनेवावा पछु कुन छे? 143यदि तुमू न्यायपन क कारण दुःख भी झेलो, तो धन्य होय; पर मानसे क घाबरायने छे मा घाबरायो, आरू नी घाबरायु, 15पुन मसीह क पोरबु जानीन आपसा–आपसा मन मा चुखलो समझु। जो काही तुमू छे तुमरी आश क विषय मा काही पूछया, ओको जवाब देने क करता सर्वदा तीयार रयो, पर नम्रता आरू भय क साथे। 16आरू विवेक भी चुखो राखु, अतरान करीन की जिन वात क विषय मा तुमरी बदनामी होयती छे इन्दरा विषय मा वो, जो मसीह तुमरो वारलो चाल चालने क विजुत करता छे, लज्जित होय। 17काहकि यदि यहोवा–भगवान की योही मरजी होय की तुमू भलाई करने क कारण दुःख उठावु, तो यो बुराई करने क कारण दुःख उठावने छे वारू छे। 18अतरान करीन की मसीह ने भी मतलब अन्यायी क करता न्यायी ने पाप क कारण एक बार दुःख हाकलिया, ताकि हामु यहोवा–भगवान की साथे पुचाड्या; वो डील क भाव छे तो घात कर्‍या गया, पर आत्मा क भाव छे जीवाड्या गया। 19ओका मा त्यो जाईन कैदी आत्मा क भी प्रचार कर्‍या। 20जा ओको बीते टेहाव मा हुकुम नी मानी, जव यहोवा–भगवान नूह क ढोंड्या बन रया हुता, बठीन थुड़ा मानसे मतलब आगठा मानुस पानी क द्वारा वाच गया। 21तीनी बपतिस्मा क सपनो भी, मतलब ईशु मसीह क जीवन उठने क द्वारा, हिमी तुमूक वाचाड़ छे, पुन विवेक छे यहोवा–भगवान क वश मा होय जाने क मतलब छे। 22वो सोरगदूत पर जायन यहोवा–भगवान क जेवड़ा तरफ बठ गया; आरू सोरगदूत आरू शक्ति ओका हको तळे कर्‍या गया छे।