1 कुरन्थियो 4

मसीह क प्रेरित

1मानुस हामु मसीह क सेवक आरू यहोवा–भगवान क भेदो क भण्डारी समझे। 2पछु याहा भण्डारी मा यो वात देख जाती छे कि वो विश्वास योग्य होय। 3पुन मारी दृष्टि मा यो घोणा नानी वात छे कि तुमू या मानुस क काही न्यायी मखे न्याय, वरना हाव स्वयं आपने आप क नी न्याय नी करता। 4काहकि मारो मन मखे काही वात क न्याय नी ठेरायता, पुन इनासे हाव निर्दोष नी ठेरायता, काहकि मारा न्याय करनेवावा पोरबु छे। 5एरकरीन जव तक पोरबु नी आश, टेहाव छे पेहले काही वात क न्याय नी करे: चो आंधारा आरू मनो क मरजी क प्रगट करसे, तव यहोवा–भगवान करी आरू छे हर एक करी वाहवाय होयछे।

6हे भाईस, हाव ने इन वात मा तुमरे करता आपसी आरू अपुल्लोस की चर्चा दृष्टान्त की रीति पर की छे, एरकरीन कि तुमू हामरे द्वारा यो सीखु कि लिख्या होया छे ओगव नी वदने, आरू एक क पक्ष मा आरू दिसरा क विरोध मा डाहवाय नी करने। 7तुखे मा आरू दिसरा मा कुन संका करता छे? आरू तारे साथे काय छे जो तु ने यहोवा–भगवान छे नी देख्या? आरू जव कि तु ने यहोवा–भगवान छे देख्या छे, तो ओसो डाहळाय काय करता छे कि मानो नी देख्या?

8तुमू तो तुप्त त्योक्य, तुमू धनी होय, त्योक्य, तुमू ने हामरे विना राज्य कर्‍या; पुन भला हुयसे कि तुमू राज्य करता कि हामु भी तुमरे साथे राज्य करता। 9मारी समझ मा यहोवा–भगवान ने हामु प्रेरितन क सब क बाद उन मानसे क समान ठेराया छे, जिनकी मरला की हुकुम होय त्योकी होय; काहकि हामु धरतीम आरू सोरगदूत आरू मानसे क करता एक तमाशा ठेराया छे। 10हामु मसीह क करता मुर्ख छे; पुन तुमू मसीह मा बुध्दिमान होय; हामु निर्बल छे, पुन तुमू ताकद वावो होय; तुमू विजुत देखता होय, पुन हामु निरदार हुयसे छे। 11हामु इनीये घड़ी तक भुखला पिसला हामु फाटला लुगड़ा पेहरतला, आरू धुमा खाता रया आरू मारे मारे पुगता छे; 121आरू आपने ही हात छे काम करीन मेहनत करता छे। मानसे हामु बुरा कयता छे, हामु बरकत देता छे; वो सताता छे, हामु सहते छे। 13वो बदनाम करता छे, हामु विनती करता छे। हामु आज तक धरतीम क कूड़ा आरू सब समान की मोयव क समान ठेराया छे।

14हाव तुम्हे लज्जित करने क करता यो वात नी लिखता, पुन आपने मोंगावु पोर्‍या जानीन तुमूक चिताता छे। 15काहकि यदि मसीह मा तुमरा सिखाडनेवावा दस हजार भी हुता, तौभी तुमरा बास घोणा छे नी; एरकरीन कि मसीह ईशु मा खुश खबर क द्वारा हाव तुमरा बास होया। 162एरकरीन हाव तुमू छे रावन्या करता छे कि मारो गती करो। 17एरकरीन हाव ने तीमुथियुस क जो पोरबु मा मारो मोंगावु आरू विश्वास योग्य पोर्‍य छे तुमरे साथे मुकल्या छे। तुमू मसीह मा मारो चारित्र स्मरण करावसे, जोसो कि हाव हर धरती हर एक मंडळी मा शिक्षा करता छे। 18काय तो ओसो फूल गया छे, मानो हाव तुमरे साथे आवने ही क नी। 19पुन पोरबु ने जुया तो हाव तुमरे साथे शीघ्र ही आवसे, आरू उन फूले हुया की वात क नी, पुन उनकी शक्ति क जान लेछे। 20काहकि यहोवा–भगवान क राज्य वात मा नी पुन शक्ति मा छे। 21तुमू काय जुवता होय? काय हाव लाकड़ी लीन तुमरे साथे आवीस, या मोंग आरू नम्रता न आत्मा क साथे?