Nɔɔneŋ 82

Wurubuarɛ gyoo dinaa

1Wurubuarɛ kyaa gbeli man adidotena degyaŋee man,

ɔ ne di wurubuarɛse nombia.

2Woromɔ yaa ɛ ke tina balaŋ kumɛɛ wɔle kaseŋ yela?

Woromɔ yaa ɛ ke tina balaŋ siaman kekɛɛ yela?

3Ɛ di seŋ baŋ bɔɔ dana doŋ ya, na yoyolobia wɔle,

ɛ di lɛɛ ayematena, na baŋ bɔɔ ŋere wɔ do nɛ.

4Ɛ lɛɛ baŋ bɔɔ dana doŋ ya na ayematena,

ɛ lɛɛ wɔ lee akpanyanyaŋtena nyiŋmaa man.

5Wurubuarɛse baŋ ba gyeŋ daale ya, te bɔɔ ne nyii kolo man ya,

be dɔŋ bo detiŋtɛɛ man,

tɛɛle mokɔɔ kasee pou ne wosi.

6Me yakowɔ nyiaa, <<Ɛ yɛɛ <wurubuarɛsewɔ>,

ɛ popou yɛɛ Adidote ŋon bia tewulɛɛwɔ.>>

7Mɔna ɛ ka yeŋ ŋgba deniwalaŋ kamasɛ nɛ,

ɛ nyeedoŋ gyae ke gyu ɔto ŋgba gyoo kamasɛ nɛ.

8Ao Wurubuarɛ, koro di tɛɛle kei nombia,

nawolo nyi tɛɛlese pou yɛɛ n wui.