Nɔɔneŋ 75

Wurubuarɛ nombiadiiri

1Wurubuarɛ, dɛɛ lese n yele,

dɛɛ lese n yele nawolo nyi n yele benaa,

te balaŋ ne yako n gyakoloŋ nombia.

2N yakowɔ nyiaa <<Maa kɔŋ ma debaŋ man,

na me kaa di nombia na kegbɛɛ.

3Nyi akpaa tɛɛle de wosi te baŋ be kyaa ke dɔɔ pou de seree na,

maŋ ne kyaŋana ka mokɔɔ seŋ keŋkeŋ.

4Me yako baŋ bɛɛ gate ba wose nɛ nyiaa, <Ɛ naa gate ɛ wose ya>

te me yako akpanyanyaŋte nyiaa, <Naa gyina n woo adido ya>

5Ɛ naa gyina ɛ woo tee adido ya,

te ɛ na kolosi konɔɔyuŋ man ya.>>>

6Nombia kedi ta lee weese dɛɛlee yaa weese dɛɛyalae yenaŋ,

yaa depampaa keŋ man ya.

7Wurubuarɛ yɛna nombiadiiri,

Ŋon ne yɔkɔsena walaŋ te ɔ ne gyina walaŋ.

8Degbeŋgyoo dana leenɔɔ ɔ nyiŋmaa man,

waen keŋ kɛɛ lee afofo te bɔɔ mo abɔɔ ofoŋnyiŋan kyakale ke man nɛ te wulu ke.

Ɔ toosi ŋaale fa tɛɛle kei dɔɔ akpanyanyaŋtena,

te be nyɔɔ ke popou.

9Maŋ dɔɔ, maa kolosi n nombia kekpaakekpaa,

na maa kpee nɔɔneŋ fa Yakɔbe Wurubuarɛ ŋon,

10ŋon ɔ be yako nyiaa, <<Maa tekerii akpanyanyaŋtena pou woo,

mɔna maa gyina baŋ ba tenɛɛ nɛ woo adido.>>