Nɔɔneŋ 61

Kefane fa kegyee

1Ao Wurubuarɛ, nyii me kewii,

Tei ma kefane.

2Mɛɛ baake neŋ leenaŋ tɛɛle ɔto,

debaŋ keŋ me konɔɔ be yɔkɔse nɛ te me baake neŋ,

mo maŋ ke gyakaa kpanaŋ keŋ ka korɛɛ kela maŋ nɛ dɔɔ.

3Nawolo nyi nyaŋ yɛna ma keyeu kagyoo,

dekagya doŋte tia me kɔlara.

4Yela maa kyaa nyɔ ɔsom deni dinaa man kekpaakekpaa,

na maa yo n beŋkelɛɛ tɛɛ.

5Nawolo nyi nyaŋ Wurubuarɛ, n nyii ntam keŋ mɔɔ kam,

n ta mo baŋ bee yee n yele nɛ dedii fa maŋ.

6Yela gyoo ke kyaa kyare,

yela ɔ kulutooneŋ ka bo ke tuŋ ɔ kalola kegyakaarese burum.

7Waa di gyoori Wurubuarɛ siaman kekpaakekpaa,

yela n kegyae na nya anokoare kedi ke gyee e.

8Kenaŋ na maa kpee nɔɔneŋ lese n yele kekpaakekpaa,

na maa tɔ ma alaŋaŋ wee kamasɛ.