Nɔɔneŋ 47

Wurubuarɛ gyoo dinaa

1Ɛ gyɔ ɛ nyiŋmaase, tɛɛlese pou,

ɛ mo kenyaŋee yeesa lese Wurubuarɛ yele.

2Nawolo nyi Degbeŋgyoo Adidote ŋon wose dana gyakoloŋ,

ŋon yɛna gyoo dinaa tɛɛle kei pou dɔɔ.

3Ɔ te yɔkɔse tɛɛlese do de tɛɛ,

ɔ moo balaŋ do de nawɔɔtɛɛ.

4Ɔ ta lese de dedii fa daa,

keŋ ke yɛɛ Yakɔbe ŋon ɔ ne gyae e nɛ wose kegate.

5Wurubuarɛ ta mo kenyaŋee yeesa gyu adido,

Degbeŋgyoo ta mo kaberɛse kewii gyu adido.

6ɛ kpee nɔɔneŋ lese Wurubuarɛ yele, ɛ kpee nɔɔneŋ lese ɔ yele,

ɛ kpee nɔɔneŋ lese de gyoo yele, ɛ kpee nɔɔneŋ lese ɔ yele,

7Nawolo nyi Wurubuarɛ ne diina gyoori tɛɛle kei pou dɔɔ,

ɛ mo alagyia kpee nɔɔneŋ lese ɔ yele.

8Wurubuarɛ ne diina gyoori tɛɛlese dɔɔ,

Wurubuarɛ kyaa ɔ gyooro gbeli fereŋkyeŋ keŋ dɔɔ.

9Tɛɛlese kegyiise pou ne kaa yilaa,

ŋgba Aberaham Wurubuarɛ balaŋ nɛ,

nawolo nyi tɛɛle kei dɔɔ gyooneŋ pou yɛɛ Wurubuarɛ wui,

be te gyina e adido nideli.