Nɔɔneŋ 29

Dawide nɔɔneŋ

1Ɛmɛɛ baŋ ɛ kyaa adido nɛ, ɛ lese Degbeŋgyoo yele,

ɛ lese Degbeŋgyoo gyoorobiiri na ɔ doŋ keŋ yele.

2Ɛ mo gyoorobiiri keŋ kaboena Degbeŋgyoo yele nɛ fa e,

Ɛ mo wose keyɔkɔse som Degbeŋgyoo wɔ ɔsom deni dinaa fereŋkyeŋ keŋ man.

3Degbeŋgyoo woya gyakaa loŋse dɔɔ,

gyoorobiiri Wurubuarɛ ŋon woya ne seree,

Degbeŋgyoo woya ne seree loŋse burum dɔɔ.

4Degbeŋgyoo woya dana doŋ,

gyoorobiiri doo Degbeŋgyoo woya man.

5Degbeŋgyoo woya ne tekerii sida daase,

Degbeŋgyoo ne tekerii Lebanɔn sida daase kpetekpete.

6Ɔ ne yele Lebanɔn na toŋee ŋgba nunkyue bu nɛ,

Siriyɔn na toŋee ŋgba ŋale man nam bu nɛ.

7Degbeŋgyoo woya ne ŋmaale,

ŋgba boalaŋ laakemse nɛ.

8Degbeŋgyoo woya ne wosi depampaa,

Degbeŋgyoo ne wosi Kadese depampaa.

9Degbeŋgyoo woya na meele kpeli daase dinaana,

ɔ yelaa laa keŋ man doowɔ yakaa,

Keŋte balaŋ baŋ fae yeesa ɔsom deni dinaa keŋ man nyiaa, <<Ɛ mo gyoorobiiri fa Wurubuarɛ!>>

10Degbeŋgyoo kyaa boo keŋ be wuu nɛ dɔɔ ɔ ne di gyoori,

Degbeŋgyoo kyaa ɔ gyooro gbeli dɔɔ ŋgba gyoo nɛ kekpaakekpaa.

11Degbeŋgyoo na do ɔ balaŋ doŋ,

Degbeŋgyoo na mo wosefɛɛreŋ hiraa ɔ balaŋ.