Nɔɔneŋ 24

Gyoo dinaa

1Tɛɛle na abɔɔ ŋan pou doo ke man yɛɛ Degbeŋgyoo wui,

tɛɛle keŋ na baŋ pou be kyaa ke dɔɔ nɛ yɛɛ ɔ wui.

2Nawolo nyi ŋon seena ka mokɔɔ ɛpo dɔɔ,

te ɔ baŋa ke loŋse dɔɔ.

3Amɔte ne gyaela waa gyeŋ Degbeŋgyoo bula keŋ?

Amɔte ne gyaela waa seŋ ɔ dekyae fereŋkyeŋ keŋ man?

4Walaŋ ŋon ayimɛɛ be doo ɔ nyiŋmaase man ya te ɔ konɔɔ man dei,

ŋon ɔ bɛɛ mo ɔ wose lɔ bɛɛneŋ dɔɔ,

yaa ɔ bɛɛ kaŋ dekara ntam ya nɛ.

5Degbeŋgyoo waa hiraa wɔ,

na ba nyeelɛɛre Wurubuarɛ ke yela baa di deŋele.

6Mena duuluŋ kei yɛna baŋ bɛɛ kɛo e nɛ,

baŋ bɛɛ kɛo Yakɔbe Wurubuarɛ nɛ

7Ɛmɛɛ anaanɔɔse, ɛ gyina ɛ nyeeya,

ɛmɛɛ gyaŋgba anaanɔɔse ɛ toro,

na gyoorobiiri gyoo ŋon kaa gyoo.

8Amɔte yɛna gyoorobiiri gyoo ŋon?

Degbeŋgyoo doŋte na Dekpataakpere ŋon,

Degbeŋgyoo yoonɔɔte Dekpataakpere ŋon.

9Ɛmɛɛ anaanɔɔse, ɛ gyina ɛ nyeeya,

ɛmɛɛ gyaŋgba anaanɔɔse ɛ toro,

na gyoorobiiri gyoo ŋon kaa gyoo.

10Amɔte yɛna gyoorobiiri gyoo kei?

Degbeŋgyoo Dekpataakpere ŋon,

ŋon yɛna gyoorobiiri gyoo ŋon.