Nɔɔneŋ 149

Yele kalese nɔɔneŋ

1Ɛ lese Degbeŋgyoo yele.

Ɛ kpee nɔɔneŋ wɔle fa Degbeŋgyoo,

ɛ lese ɔ yele ɔ balaŋ baŋ bee di anokoare nɛ degyaŋee man.

2Ɛ yela Iserae kenyaŋee lee ɔ yɛɛre dɔɔ,

ɛ yela ke yɛɛ Siyɔntena gyoŋ lee be gyoo dɔɔ.

3Ɛ yela baa mo sɔɔre lese ɔ yele,

na baa mo akyakaa na adolɛɛ kegyɔ kpee nɔɔneŋ fa e.

4Nawolo nyi Degbeŋgyoo balaŋ na gyoo ɔ sia,

ɔ na mo keyoodi wuu baŋ bɛɛ yɔkɔse ba wose nɛ.

5Ɛ yela ɔ balaŋ baŋ bee di anokoare nɛ ke nyaŋee lee obuo kei dɔɔ,

na baa nyaŋee kpee nɔɔneŋ ba afoŋoŋse dɔɔ.

6Ɛ yela Wurubuarɛ yele kalese ke doo be nɔɔse man,

na yoosila sia na wɔle ke doo be nyiŋmaase man,

7nyi baa tɔ tɛɛlese kom,

na baa wɔŋ balaŋ baŋ deŋele,

8na baa mo nyeela akyakaase bake be gyooneŋ,

na baa do gyoorobia nyeela anewaŋterese.

9Baa mo nombia ŋan bɔɔ ŋmarase tia wɔ nɛ wɔŋ ba deŋele,

kei yɛna ɔ balaŋ baŋ bee di anokoare nɛ gyoorobiiri.

Ɛ lese Degbeŋgyoo yele.