Ntrubo Old Testament Project
Nɔɔneŋ 136:1
Verse 1 is marked below, with the whole chapter around it. Read from the start
Karaŋ kefa nɔɔneŋ
Ɛ fa Degbeŋgyoo karaŋ, nawolo nyi ɔ dei.
Ɔ kegyae mɔ doo kekpaakekpaa.
Ɛ fa wurubuarɛse pou Wurubuarɛ ŋon karaŋ.
Ɔ kegyae doo kekpaakekpaa.
Ɛ fa gbeŋgyoona pou Gbeŋgyoo ŋon karaŋ.
Ɔ kegyae doo kekpaakekpaa.
Ŋon waageŋ ne yɛɛna gyakoloŋ nombia.
Ɔ kegyae doo kekpaakekpaa.
Ŋon moona ɔ nombia man kenyii yɛɛ adido.
Ɔ kegyae doo kekpaakekpaa.
Ŋon fɛlɛɛna tɛɛle wuu loŋse dɔɔ.
Ɔ kegyae doo kekpaakekpaa.
Ŋon yɛɛna kanease dinaana ŋan.
Ɔ kegyae doo kekpaakekpaa.
Weese nyi waa di tɛɛkena dɔɔ.
Ɔ kegyae doo kekpaakekpaa.
gyaalaŋ na kyolobiise dee di nelim dɔɔ.
Ɔ kegyae doo kekpaakekpaa.
Ŋon koena Igyipitetena bia gyaŋgba nyibaŋ.
Ɔ kegyae doo kekpaakekpaa.
Ŋon lesena Iseraetena lee be man.
Ɔ kegyae doo kekpaakekpaa.
Ɔ nyiŋmaa keŋ ke dana doŋ, ɔ baam keŋ ɔ ba tenee.
Ɔ kegyae doo kekpaakekpaa.
Ŋon kpasena ɛpo yayam man ala.
Ɔ kegyae doo kekpaakekpaa.
Ɔ moo Iseraetena ta ka nsana lee.
Ɔ kegyae doo kekpaakekpaa.
Mɔna ɔ yelaa Faaro na ɔ yoonɔɔtena dɔɔwɔ ɛpo yayam keŋ man.
Ɔ kegyae doo kekpaakekpaa.
Ŋon moona ɔ balaŋ ta depampaa keŋ man,
Ɔ kegyae doo kekpaakekpaa.
Ŋon koena gyooneŋ dinaana.
Ɔ kegyae doo kekpaakekpaa.
Ɔ koo gyooneŋ baŋ bɔɔ lɛɛ yele.
Ɔ kegyae doo kekpaakekpaa.
Amoritena gyoo Sihɔn.
Ɔ kegyae doo kekpaakekpaa.
na Basan gyoo Ogi.
Ɔ kegyae doo kekpaakekpaa.
Te ɔ moo be tɛɛle fa ŋgba dedii nɛ.
Ɔ kegyae doo kekpaakekpaa.
dedii fa ɔ tobaale Iserae.
Ɔ kegyae doo kekpaakekpaa.
Ɔ tɔɔse daa da keyɔkɔse man.
Ɔ kegyae doo kekpaakekpaa.
Ɔ lɛɛ daa lee de kɔlara nyiŋmaa man.
Ɔ kegyae doo kekpaakekpaa.
Ɔ ne fa denibalaŋ na wonembia pou weenɛɛ.
Ɔ kegyae doo kekpaakekpaa.
Ɛ fa Wurubuarɛ ŋon ɔ kyaa adido nɛ karaŋ.
Ɔ kegyae doo kekpaakekpaa.
Ntrubo Old Testament Project. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.