Ntrubo Old Testament Project
Nɔɔneŋ 126
Kefane fa kelɛɛ
Degbeŋgyoo ka besena Siyɔn see ka beneŋ man nɛ,
ke yɛɛ daa ŋgba dosɛɛ nɛ.
Boŋɛɛse wulu de nɔɔse man,
de laakemse kpee kenyaŋee nɔɔneŋ.
Te be yakowɔ tɛɛlese man nyiaa,
<<Degbeŋgyoo te yɛɛ abɔɔ dinaana fa wɔ.>>
Degbeŋgyoo te yɛɛ abɔɔ dinaana fa daa,
te de nyaŋeewɔ nideli.
Degbeŋgyoo, besena daa see da beneŋ gyoorobiiri man,
ŋgba boŋobiise ŋan kyaa ata yenaŋ depampaa man nɛ.
Baŋ bɛɛ mo siasaraŋ duu abɔɔ nɛ,
baa mo kenyaŋee kɔ.
Baŋ bɛɛ mo kewii,
na ba seelena abɔɔbia be kaa duu nɛ,
baa bese kɔŋ na kenyaŋee nɔɔneŋ,
na ba seelena weenɛɛ ŋan bɔɔ kɔɔ nɛ.
Ntrubo Old Testament Project. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.